Qoǵam • 09 Qarasha, 2020

Qysta dene temperatýrasyn qalaı ólshegen durys?

153 ret kórsetildi

Qazir epıdemııaǵa baılanysty kez kelgen ǵımaratqa kirgen adamnyń mindetti túrde dene temperatýrasy ólshenedi. Kún sýytqaly syrttan kelgen adamdardyń qyzýyn ólsheý baıaǵysha bolmaıdy. "2K" reseılik ınjınırıngtik kompanııasy dırektorlar keńesiniń tóraǵasy Ivan Andrıevskıı sýyqtan denesi ábden salqyndap qalǵan adamnyń dál temperatýrasyn qalaı ólsheýge bolatynyn aıtty, dep habarlaıdy Egemen.kz Rıa Novostıge silteme jasap.

Mamannyń aıtýynsha, kún sýytqaly qoǵamdyq oryndarda kelýshilerdiń dene temperatýrasyn ólsheýde qatelikter bolýy múmkin.

"Eger sýyq aýadan kirgennen keıin lazerlik termometr 36,6 gradýsty kórsetse, onda ol adamnyń temperatýrasy  negizinde joǵary bolýy múmkin. Bul 37,6 gradýs degen sóz", - dedi Ivan Andrıevskıı.

Qateni boldyrmaýdyń jáne temperatýrany baılanyssyz dál ólsheýdiń bir joly bar. Ol úshin maman ǵımaratqa kirgen adamdy úsh-bes mınýt kútýge jáne prosedýrany qaıtalaýǵa keńes beredi. 

"Eger qyzý ólshegish qural 37 nemese 36,9 temperatýrasyn tirkese, onda bul adamnyń temperatýrasy joǵary ekendiginiń belgisi. Sýyq aýadan kelgen adamnyń qoldary álbette salqyndap qalady. Sol úshin  mundaı jaǵdaıda adamdy jyly bólmede úsh-bes mınýt kútip, onyń temperatýrasyn qaıta ólsheý kerek. Osylaısha biz dál kórsetkishterge qol jetkizemiz", - dedi ol.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar