Qolbasshylyqtyń baspasóz qyzmetiniń málimetinshe, polıgondardy tazalaýǵa ınjenerlik bólimshelerdiń saperleri jumyldyryldy. Olar jeke qorǵaný quraldarymen, 0,6 metr tereńdiktegi jarylǵysh zattardy tabýǵa arnalǵan zamanaýı mına detektorlarymen, baılanys quraldarymen, sondaı-aq, jarylǵysh zattardy tasymaldaıtyn arnaıy kóliktermen qamtamasyz etildi.
Is-shara barysynda Mańǵystaý, Aqtóbe, Atyraý oblystarynda ornalasqan "Oımasha", "Beıneý", "Eset batyr" jáne "Qarabotan" polıgondarynyń aýmaǵynan 48 myń gektardan astam jer tazartyldy.
"Tazartý jumystarynyń basty maqsaty – jarylmaǵan oq-dárilerdi joıý. Sebebi, mundaı oq-dárileri isten shyqqan. Áskerı jattyǵý sabaqtary úshin qaýipsiz jaǵdaı jasaý úshin qajet. Qaýipsizdik maqsatynda barlyq jarylǵysh zattar detonasııa ádisimen tabylǵan ornynda joıylady", deıdi áskerı bólimniń ınjenerlik qyzmetiniń bastyǵy kapıtan Nurjan Saparbekov.
