Ýchaskelik polıseıler úı aralap júr

Turmystyq qorlyq-zom­bylyqtyń aldyn alý úshin Aqtóbe oblysynyń barlyq ýchas­kelik polısııa ınspektorlary ózderine beki­til­gen aýmaqtaǵy turǵyn úılerdi aralaýǵa kiristi.

О́ıtkeni bul shara bi­rin­shiden, ýchaskelik polı­seı­lerdiń ózderine bekitilgen aýmaqtaǵy qoǵamdyq tártiptiń saqtalýyn qadaǵalaý bolsa, ekinshi jaǵynan tur­ǵyn­darmen senimdi qarym-qa­tynas ornatyp, qylmystyń aldyn alýdyń birden-bir amaly. Mas­kúnemdikke shal­dyqqan tur­ǵyndar, kıkiljińi kóp otbasylar, kámeletke tolmaǵan balalary jıi ketip qalatyn úılerdi ýchaskelik polıseıler jıi baqylap, otbasy múshelerimen tikeleı baılanys jasap turýy tıis.

Ýchaskelik polıseıler kóp­qabatty úılerdi ara­lap, turǵyndardyń qujat­ta­­ryn tekserý barysynda pá­terlerin salyq organda­rynda tirkemeı jalǵa bere­tinderdi de anyqtady. Sol jerde dereý hattama toltyrylyp, má­limetter salyq organdaryna jiberildi.

Turǵyn úı aýmaqtaryn aralaý kezinde polısııanyń málimetter bazasynda tir­kelgen qarý ıeleri tekse­ril­di. Zańdy túrde tir­kelgen qarý men oq-dári­lerdiń úı jaǵdaıynda seıfte saqta­lýyn qatań baqylaý– qarý-jaraqtyń ıesinen ózge bi­reýlerdiń qolyna túsip, ne urlanyp ketpeýi úshin ja­salǵan áreketter. Sebebi – qa­rý ıesi óz jaýapkershiligin sezinýge tıis. Osy shara ke­zinde Aqtóbe qalasy men aýdan­darynan esh jerde tir­kel­megen 22 qarý tabyldy.

Inspektordyń ózine beki­tilgen aýmaqtaǵy turǵyn úı­lerdi aralaýy keıbir azamat­tarǵa jaqpaı qalyp júr. Má­selen, Mártók aýdanynyń turǵyny A.Stepanova ýchas­kelik ınspektordy ba­la­ǵat­taǵany úshin qoǵamdyq ju­­mysqa tartyldy

Oqıǵa by­laı bolǵan. Aýdandyq polısııa beketiniń kezekshi bó­limine telefon shalǵan qyz bala ishimdik ishken anasynyń otbasynda janjal shyǵaryp jat­qanyn habarlaıdy. Je­del shaqyrtý túsken boıy tártipke shaqyrýǵa barǵan ýchaskelik ınspektordy osy áıel balaǵattaıdy. Ins­pek­tor ákimshilik hattama tol­tyryp, qyzmettik min­det­terin oryndaý kezinde ar-na­mysyna tıgen áıeldiń ústi­nen sotqa shaǵymdanǵan. Mártók aýdandyq sotynyń sý­dıasy tártip buzýshyny qo­­ǵamdyq jumysqa tartýǵa sheshim shyǵardy. Endi pro­ba­sııa qyzmetinde turǵan A.Ste­panova on kún boıy kú­ni­ne tórt saǵattan Mártók eldi me­keniniń kóshelerin sypyryp júr.

«Esepte turǵan sottalǵan aza­matsha otba­sylyq janjaldy tý­dyrǵany úshin ári ınspektordy balaǵattaǵa­ny úshin ákimshilik jaýap­ker­shilikke tartyldy. Ol kó­she­lerdi sypyrý, saıa­baqtardy qoqystan ta­zartý, aǵashtar­dy ák­teý sekildi jergilikti organ­dar men Mártók aýda­ny­nyń probasııa qyzmeti uıym­­dastyratyn basqa da qo­ǵam­dyq jumystardy oryn­­­daıtyn bolady», deıdi Aq­tóbe oblysy boıynsha Qyl­­mystyq-atqarý júıesi depar­tamentiniń baspasóz hat­shysy Gúlfaırýz Tóre­muratova.

AQTО́BE