Baıqaýdyń maqsaty - Qazaqstan Respýblıkasynyń Tuńǵysh Prezıdenti kúnine arnalǵan merekelik is-sharaǵa daıyndyq sheńberinde, ulttyq mýzyka mádenıetiniń jetistikterin nasıhattaý, qyzmetkerlerdi patrıottyq, adamgershilik-estetıkalyq turǵyda tárbıeleý, olardyń mádenı jáne rýhanı deńgeıin arttyrý, Qazaqstan polısııasynyń oń ımıdjin nyǵaıtý bolyp tabylady, dep habarlaıdy Mańǵystaý oblysy boıynsha QAJD kadr saıasaty bólimshesi.
Baıqaýǵa Mańǵystaý oblysy boıynsha Qylmystyq-atqarý júıesi departamentine baǵynysty mekemelerdiń qyzmetkerleri qatysyp, olar Qazaqstan Respýblıkasynyń Tuńǵysh Prezıdenti - Elbasy N.Á. Nazarbaevtyń súıikti ánderin oryndady.
Mysaly, GM-172/6 mekemesiniń rejım bóliminiń jedel ýákili ádilet leıtenanty Sultan Muzdybek "Úsh qońyr" ánin oryndasa, GM-172/8 mekemesiniń sottalǵandardyń eńbegin uıymdastyrý tobynyń ınspektory ádilet leıtenanty Tımýr Kýlbaev dombyramen "Beý aıdaı" ánin oryndady. Sondaı-aq GM-172/10 mekemesiniń arnaıy bóliminiń bastyǵy ádilet maıory Almajaı Bıtımova "Kogda prıdet vesna" ánin, GM-172/10 mekemesiniń rejım jáne kúzet bóliminiń baqylaýshysy ádilet kishi serjanty Qýatjan Bazarbaev "Kózimniń qarasy" ánin shyrqady.
Baıqaý qorytyndysy boıynsha, GM-172/10 mekemesiniń arnaıy bóliminiń bastyǵy ádilet maıory Almajaı Bıtımova I orynǵa ıe boldy. Qyzmetkerler Departament bastyǵynyń dıplomdarymen marapattaldy. Baıqaý jenimpazy A.Bıtımova Qazaqstan Respýblıkasynyń Tuńǵysh Prezıdenti kúni qarsańynda ótetin respýblıkalyq onlaın baıqaýǵa qatysýǵa joldama aldy.
Mańǵystaý oblysy
