Qoǵam • 11 Qarasha, 2020

Lázzat Tanysbaı: Pandemııa tusynda jalpy televızııa kórý 22 paıyzǵa ósken

202 ret kórsetildi

Epıdemııalyq ahýal kezinde senimdi aqparat kózin izdegen aýdıtorııa telearnalarǵa oraldy. Bul týraly "Astana Media Week 2020" barysynda "QAZAQSTAN" RTRK" AQ Basqarma tóraıymy Lázzat Tanysbaı málimdedi, dep habarlaıdy Egemen.kz

"QAZAQSTAN" RTRK" AQ Basqarma tóraıymy Lázzat Tanysbaıtyń aıtýynsha, pandemııa kezindegi telearnalarda, sonyń ishinde otandyq salada da aıtarlyqtaı ózgerister kóp ekendigin tilge tıek etti.

"Qazaqstan" korporasııasynyń quramynda birneshe respýblıkalyq telearna, radıostansııalar jáne aımaqtyq telearnalar bar. Barlyǵyna toqtalý múmkin emes. Dese de, karantın engizgen negizgi ózgerister jóninde aıtyp ótsem. Shyny kerek, menedjer retinde dál osy sátte eki úlken mindet-mıssııanyń arasynda qaldyq. Birinshisi jáne eń bastysy - qyzmetkerlerimizdiń qaýipsizdigin saqtaý. Bilesizder, ujym óte úlken, sondyqtan da aldymen múmkin bolǵan redaksııalardyń jumysyn qashyqtyqqa aýystyryp, keıbir bólim qyzmetkerlerdi aýysymdarǵa bóldik. Jýrnalıst, rejısser, redaktorlarymyz habarlaryn tutastaı bolmasa da, onlaında jasaýǵa daǵdylandy", dedi Lázzat Tanysbaı.

Sóıte tura, tóraıym munyń barlyq qyzmetterge qatysty emestigin basa aıtty.

"Sebebi – aldymyzda kórermendi naqty, tekserilgen aqparatpen qamtamasyz etý jáne teleefırdi sapaly kontentpen toltyrý mindeti turdy. Kerisinshe, karantın kezinde dáleldi, shynaıy, shuǵyl aqparatqa degen suranys kúsheıdi. Sondyqtan da elde karantın bolǵan kezde televızııa mindeti men ondaǵy mamandardyń qyzmeti eselep artty. Mysaly, "Qazaqstan" arnasy bir ǵana kovıd taqyrybynda 200 rolık jasap efırge berdi. Sol kezde qolǵa alynǵan kúnsaıynǵy tikeleı efırdegi "Teledáriger" jobasyna bir habardyń ishinde eki myńǵa deıin suraq kelip túsip otyrǵan kúnder boldy. Dál karantın kúnderi jańalyqtar shyǵarylymdary buryn-sońdy bolmaǵan qaralymdardy kórsetti", dedi ol.

Korporasııa tóraıymynyń aıtýynsha, Qazaqstandaǵy jalpy televızııa kórý 22 paıyzǵa ósken. Munyń ishinde korporasııa arnalarynyń da úlesi salmaqty.

"Bir sózben aıtsaq, pandemııa kezinde senimdi aqparat kózin izdegen aýdıtorııa telearnalarǵa oraldy", dedi Lázzat Tanysbaı.

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar