"Eldegi saıası jáne qoǵamdyq kúshter halyq birligin nyǵaıtý jóninde memorandým qabyldaǵany durys. Ol memorandýmdy daıyndaýymyz kerek. Assambleıa osy bastamany qolǵa alsa, durys bolar edi. Birlik, kelisim, teńdik – bizdiń negizgi prınsıpterimiz. Olardy qorǵaýǵa barlyǵymyz kúsh salýymyz kerek. Assambleıany jalpyazamattyq jáne jalpyulttyq ınstıtýt retinde damyta berýimiz kerek", dedi Elbasy.
Tuńǵysh Prezıdent Assambleıanyń ortalyq apparatynyń, óńirlik qurylymdardyń jáne etnomádenı birlestikterdiń tıimdiligin arttyrý qajet dep esepteıtinin basa aıtty.
"Bul eń áýeli Assambleıaǵa "Qazaqstan-2050" strategııasy alǵa qoıǵan aýqymdy mindetterdi, sonymen qatar, 30 ósip-órkendegen eldiń qataryna qosylý maqsatyn júzege asyrýǵa múmkindik beredi. Bizdiń jumys isteıtin baǵdarlamamyz bar. Qazir bárimiz qıyn jaǵdaıda turmyz. Degenmen, myqty memleket qurdyq, aıaǵynan tik turǵyzdyq. Qazir kúshimiz de, qarajatymyz da bar. Bul toqyraýdan da shyǵamyz. Endi qazir ári qaraı órleý, órkendeý máselesin alǵa qoıýymyz kerek", dep aıtyp ótti N.Nazarbaev.
