Vengrııanyń konstıtýsııasy boıynsha, úkimet tótenshe jaǵdaı rejimin 15 kúnge jarııalaı alady, al onyń merzimin uzartý úshin parlamentarıılerdiń úshten eki bóliginiń ruqsatyn alý kerek. Tótenshe jaǵdaı úkimetke keıbir zańnamanyń qoldanylýyn toqtata turýǵa jáne basqa tótenshe sharalardy qaýlylar arqyly qabyldaýǵa múmkindik beredi.
"Parlament úkimettiń koronavırýstyń ekinshi tolqynyna qarsy sharalary týraly zańyn qabyldady, pandemııa saldarynan jarııalanǵan tótenshe jaǵdaıdy 90 kúnge uzartty", delingen habarlamada.
Zań jobasy jedeldetilgen tártippen 180 daýys arqyly qabyldanǵan, tek bir parlamentarıı qarsy shyqqan.
Sonymen birge úkimet tótenshe jaǵdaı rejimin ýaqytynan buryn alyp tastaı alady. Zańǵa sáıkes, úkimet pandemııamen kúrestiń ár qadamyn depýtattarǵa habarlap otyrýy kerek.
