Ǵazız Baıtasov sol kúni arnaıy kólikpen kezekshilikte júrgen bolatyn. Qazybek bı kóshesindegi ortalyq gastronomnyń janyna qylmysker toqtaı qalyp, qorshaǵandardyń bárine oq jaýdyra bastady. Kólikti toqtatqan Ǵazız, odan shyǵa sala qarsy oq atyp, qylmyskerdi keri shegindiredi. Djıptiń artyna jasyrynyp, kólikterdi bóget retinde paıdalana otyryp, qaskúnem kenetten Ǵazızdiń keýdesinen oq attty – quqyq qorǵaýshy da qarap qalmady.
Ol qylmyskerdiń qolynda granata baryn bildi, beıbit halyqqa qaýip-qaterdiń tóngenin anyq sezindi. Ol kezde sekýndtardyń ózi altynǵa bergisiz sát boldy. Aýyr jaralanǵanyna qaramastan, polısııa kapıtany terrorıstpen betpe-bet kelip, qylmyskerdiń qolyndaǵy granatany halyqqa qaraı laqtyrýǵa jol bermeı, óz denesimen jaýyp qaldy. Osy kezde qylmyskerdiń qolyndaǵy granata jaryldy.
Bar bolǵany birneshe saǵattyń ishinde qalany aıaǵynan tik turǵyzǵan qandyqol qaraqshyny Jol polısııasynyń qyzmetkeri óz ómiriniń qunymen toqtatty. El úshin mert bolǵan azamatqa «Halyq qaharmany» ataǵy berildi. Oryn alǵan oqıǵaǵa toǵyz jyl tolyp otyrsa da, óte jaýapty ári qıyn sátte óz isine adal bolǵan, onyń erligi eshqashan umytylmaq emes.
Mańǵystaý oblysy boıynsha QAJ departamentiniń jeke quramy halyq qaharmanyn bir mınýt únsizdikpen eske aldy. Departament bastyǵy ádilet polkovnıgi Jastalap Basarov «Halyq qaharmany» Ǵazız Ábdibekuly Baıtasovtyń erligi týraly jeke quramǵa baıandap, eline, qyzmetine adal bolǵan azamattyń ómirlik tarıhymen tanystyrdy. Eliniń naǵyz patrıoty bolyp, qyzmetin adal atqarǵan adam eshqashan umytymaıtynyn erekshe atap ótti.
Mańǵystaý oblysy
