Atalǵan is-sharanyń negizgi mindetteri páterler men úı ıelikterinen urlyqqa baılanysty qylmystardyń aldyn alý, jolyn kesý jáne ashý bolyp tabylady. Shara kezinde polıseıler halyq arasynda óz múlikterin saqtaý týraly túsinik jumystaryn júrgizdi.
Úshkúndik shara barysynda barlyǵy 9 páter urlyǵy ashyldy, onyń 3 qylmysy ótken jyldardaǵy páter urlyǵy. Ashylǵan qylmystardyń 4 aýyr dárejedegi qylmystar. Naqtyraq aıtatyn bolsaq, Aqtaý qalasy boıynsha 4 qylmys, onyń ishinde 2 aýyr dárejedegi páter urlyǵy, Jańaózen qalasy boıynsha ótken jylǵy 1 qylmys ashyldy. Aýdandar boıynsha 4 qylmys derekteri ashyldy: Munaıly – 2 aýyr dárejedegi páter urlyǵy qylmysy, Qaraqııa – ótken jylǵy qylmys, Beıneý – ótken jylǵy 1 qylmys.
Sonymen qatar, Mańǵystaý aýdanymen 3 páterden bolǵan urlyq qylmystary anyqtalyp tirkelip ashyldy. Máselen, "Páter" jedel aldyn alý is-sharasyn ótkizý kezinde Aqtaý qalasynda páter urlyǵy ashyldy. Aǵymdaǵy jyldyń qazan aıynyń 3-inen 4-ine qaraǵan túni belgisiz adam esiktiń ashyq turǵanyn paıdalanyp, páterge kirip, "Huawei" markaly uıaly telefonyn jatyn bólmesinen urlap ketken. Kúdikti ustalyp, onyń jeke basy anyqtaldy. Ol Jańaózen qalasynyń turǵyny bolyp shyqty. Qazir ustalǵan azamatqa qatysty eshqaıda ketpeý týraly bultartpaý sharasy qoldanyldy.
Mańǵystaý oblysynyń polısııa basshysy Janarbek Baqtybaev azamattardy qyraǵy bolýǵa jáne óz múlkiniń saqtalýyn qamtamasyz etý sharalaryn saqtaýǵa shaqyrady. "Kóptegen qylmystardy jasaýǵa yqpal etetin faktorlar jábirlenýshilerdiń óz múlkine jaýapsyz qaraýy, sondaı - aq olardyń shekten tys senýshiligi bolyp tabylady", - dep atap ótti Baqtybaev.
Mańǵystaý oblysy
