Múgedektigi bar tulǵalarǵa áleýmettik qamtamasyz etý máseleleri boıynsha aqparattandyrý jáne keńes berý, sonymen birge tıimdi jumyspen salasynda áleýetti arttyrý maqsatynda Jandosov kóshesi, 10 mekenjaıy boıynsha «Ten Qadam» áleýmettik qoldaý ortalyǵy ashyldy. Ortalyqta 28 jumys orny ashyldy.
100 balaǵa arnalǵan jekemenshik balalar baqshasy ashyldy, onyń ishinde 60 oryn «Balapan» baǵdarlamasynyń aıasynda memlekettik tapsyrys boıynsha.
Almaty ákimi Baqytjan Saǵyntaevtyń tapsyrmasymen Atakent aýmaǵynda «Áýen álemi» mektebi ashyldy, onda kópbalaly jáne az qamtylǵan otbasylardyń balalary dombyra, shańqobyz jáne gıtarada oınaýdy tegin úırenetin bolady. Mektepte jylyna 400 balany tárbıeleý josparlanýda.
Odan bólek, Atakent aýmaǵynda syrǵanaý arqyly trıýk jasaýǵa negizdelgen skeıtbord, bıemıks, samokat jáne agressııalyq rolıkter sııaqty ekstremaldy jazǵy sport túrlerine arnalǵan ashyq sporttyq-jattyǵý alańy - Gorilla Atakent Park salyndy.
«Buǵan deıin Mustafa О́ztúrik kóshesi boıynda qaraýsyz qalǵan ýchaske bolǵan, ol ádemi saıabaq etip qaıta jasalyp, sporttyq trenajerler, balalar alańy jáne demalys aımaǵy paıda boldy, aýmaqqa kógaldandyrý júrgizilip, balalar men 12 jasqa deıingi jasóspirimder úshin jańa tennıs korty salyndy. Turǵyn úıdiń qasbetinde Mustafa О́ztúriktiń beınesimen mýral paıda boldy», - dedi J.Sádýaqasova.
Sondaı-aq, aýdanda «Shyńǵa órleý» áleýmettik klýbynyń, «Qol óner úıi» qol óner sheberhanasy jáne «Alma-ata» SOO kitaphananyń ashylýy josparlanýda.
