Aımaqtar • 13 Qarasha, 2020

Jańaózende jańa aýyl qurylady

19 ret kórsetildi

Jańaózen qalasynda halyq sany kóbeıip keledi. Bul, árıne qýanyshty, jaǵymdy jańalyq. Degenmen qatary qalyńdaǵan turǵyndarǵa áleýmettik turǵyda jaǵdaı jasap, qyzmet kórsetý óz qıyndyqtaryn týǵyzýda. Osy oraıda, halyq sanynyń ósýine baılanysty Jańaózen qalasyndaǵy Rahat aýyly ekige bólinip, jańadan Kendirli aýyly qurylady.

– Búgingi kúni Rahat aýyly halqynyń sany – 45 848 adamdy quraıdy. Halyq sany jyl basymen salystyrǵanda 2 555 adamǵa ósip otyr. Tolyǵyraq toqtalar bolsaq, bul eldi mekenniń halqy 2017 jyly – 32 111 adamǵa, 2018 jyly – 38 267 adamǵa, 2019 jyly – 43 293 adamǵa jetti. Aýyldyń jalpy kólemi – 4 605,2 gektar. Osy aýyldaǵy «Aqsý», «Mereı», «Rahat» shaǵyn aýdandary Rahat aýy­lynyń quramynda qalyp, «Juldyz» shaǵyn aýdany jańadan qurylatyn Kendirli aýylynyń quramyna kiredi, – dedi Jańaózen qalasy ákiminiń orynbasary Nurbergen Hýdıbaev.

Rahat aýylyn ekige bólýge maman­dardyń jetispeýshiligi, halyq sany­nyń kúrt ósýi, kommýnaldyq qyzmetter­­diń ýaqtyly kórsetilmeýi sebep. Máselen, 40 myńnan asatyn eldi mekende 18-20 memlekettik qyzmetker bolýy tıis. Al aýylda maman jetispeýshiligi anyq baı­qalady.

– Rahat aýyly bólingen jaǵdaıda bıýdjet shyǵyndarynyń kólemi 771,2 mln teńgeden 898,2 mln teńgege deıin ulǵaıady. Usynylǵan bıýdjet shy­ǵyn­dary kóleminiń ulǵaıǵany mektepke deıingi bilim berý, tazalyq qyzmeti, kóshe jaryǵyna qyzmet kórsetý men aýyldy abattandyrý jumystary­nyń aýqymyna baılanysty bolady, – dedi Rahat aýylynyń ákimi О́serbaı Tabynshaev.

Keleshekte Kendirli aýylynda den­saýlyq, bilim berý, sport, mádenıet, avtomobıl joldary, ınjenerlik-ınfraqurylym, memlekettik qyzmet kórsetý, turǵyn úı-kommýnaldyq sharýa­shylyǵy men kásipkerlikti damytý salasy damyp, jańa nysandar boı kóteredi dep josparlanǵan.

Sondaı-aq Jańaózen qalasynda ha­lyq sanynyń artýy, birneshe jyl daýǵa sebep bolǵan eski úıler turǵyndary­nyń janaıqaıy, jumyssyzdyq másele­si keıbir otbasylardy óz erikterimen Aq­taý qalasyna kóshirýge sebep bolǵan edi. Jańaózen qalasynyń ákimi Maqsat Ibaǵarovtyń aıtýynsha, bıyl bir aı ishinde – qyrkúıektiń 3-i men qazannyń 3-i aralyǵynda qujattar qabyldanyp, 600 turǵyn ótinish bergen.

– Jergilikti munaı kompanııasy men ákimdik tarapynan kelisimshart ja­saqtaldy. Búgingi kúni qol qoıǵan qu­jat daıyn. Endi memorandým boıynsha komıssııa ókilderi 600 turǵynnyń ótinishin qarap, 150 adam irikteledi. Kelesi jyly da 150 páter berý josparlanýda. Aıta ketsek, jaldamaly turǵyn úı áleýmettik osal toptyń múshelerine, kópbalaly jalǵyzbasty analarǵa, UOS ardagerlerine beriledi. О́tken jyly dál osyndaı jaldamaly turǵyn úıge 3,9 mlrd teńge bólinip, 394 jańaózendik otbasy baspanaly boldy, – degen bolatyn Jańaózen qalasynyń ákimi.

Áleýmettik másele erte me, kesh pe she­shimin tabady, eń basty qýanysh – «Elge el qosylsa – qut» degendeı, aǵa­ıyn qatarynyń qalyńdap, qalaǵa syımaı jatqany bolyp tur.

 

Mańǵystaý oblysy

 

Sońǵy jańalyqtar

Inflıasııanyń beti qaıtpaı tur

Ekonomıka • Búgin, 20:00

Sıfrlyq damý vıse-mınıstri taǵaıyndaldy

Taǵaıyndaý • Búgin, 19:45

Memleket basshysy Asqar Mamındi qabyldady

Prezıdent • Búgin, 18:13

«Tobyl» alty fýtbolshymen qoshtasty

Fýtbol • Búgin, 17:45

Depýtattar nege tártipke baǵynbaǵan?

Aımaqtar • Búgin, 17:10

Kıim óndirisinde ımporttyń úlesi artqan

Ekonomıka • Búgin, 15:29

Pavlodarda er adamdy poıyz qaǵyp ketti

Aımaqtar • Búgin, 15:23

Uqsas jańalyqtar