"Zańsyz baılamdardy anyqtaý boıynsha jumys júrgizilýde. Búgingi tańda qalada 200 myń qýma metrdi quraıtyn 9 myńǵa jýyq qudyq tekserildi. Sondaı-aq 169 zańsyz jalǵanǵan baılam anyqtalyp, joıyldy. 139 jeke jáne zańdy tulǵaǵa eskertý jasalyp, 31-ne aıyppul salyndy", - delingen habarlamada.
Máselen, 7 qarashada K.Baıseıitova kóshesindegi jeke jataqhanadan turmystyq kanalızasııa júıesiniń (septık) nóser kárizi jelilerine zańsyz qosylǵany anyqtaldy. Abattandyrý erejelerin buzǵany úshin úı ıesine 55 myń teńgeden astam aıyppul salyndy.
Qalada tasqyn sýdyń aldyn alý sharalary aıasynda nóser kárizi jelileri men aryqtardy kútip ustaý jumystary júrgizilýde.
Maýsymnan beri elordada 32 124 metr kollektorlar, 3,5 myń qudyq pen nóser sýynyń súzgileri, 27 549 qýma metr aryq jelileri tazartyldy.
Sondaı-aq tazartý qurylǵylary men sorǵy stansııalarynyń 17 qabyldaý kartasy tazartyldy. 36 sorǵy stansııasyna tekserý jáne tazalaý jumystary júrgizildi.
Sonymen qatar Imanbaev, Seıfýllın, Abaı, Baraev, Tashenov, Amman, Saýran kósheleri men Bógenbaı dańǵyly boıynda 67-den astam bitelip qalǵan qudyq pen jańbyrǵa arnalǵan sýǵar anyqtalyp, qalpyna keltirildi.
"Kóshede avtobýs jolaǵyn sý basýdyń aldyn alý úshin Baraev kóshesi №16 úı aýmaǵynda jańbyr sýyna arnalǵan qosymsha qudyqtar ornatylyp, osy ýchaskedegi negizgi kollektorǵa jalǵaý jumystary júrgizildi. Mamandandyrylǵan HQKO aýdanynda 2000 metrlik bóget salyndy. Saryarqa aýdanynyń Agroqalashyq turǵyn alabynda sýaǵarlar ornatý boıynsha jumystar aıaqtaldy - Súmbe kóshesinde - 160 m D300, 5 qudyq ornatyldy", - dep habarlady Elorda Eco System.
Sý qubyrlaryn retteý jáne jóndeý jumystary júrgizildi. Bul jumystar 60 metrlik magıstraldy qamtydy.
