"13 qarashaǵa deıin Batys Qazaqstan oblys boıynsha 7382 adam COVID-19 dıagnozymen tirkelgen. Onyń ishinde 3622 adamnan aýrý belgileri anyq baıqalsa, 3760 jaǵdaı sımptomsyz ótken. Syrqattanýshylyqtyń jalpy kórsetkishi 100 myń turǵynǵa shaqqanda 1119,5 adam boldy" deıdi oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaev.
Indetten 128 adam qaıtys bolǵan. Sońǵy kezde óńirde koronavırýs juqtyrǵandar sany ósip barady. Apta saıyn orta eseppen 59%-ǵa kóbeıgen.
1-12 qarasha aralyǵynda óńirde koronavırýstyq ınfeksııamen tirkelgender sany 358 adamǵa jetken. Sonyń ishinde 140 adamda aýrý belgisi bar, qalǵany sımptomsyz.
Syrqattanýshylardyń basym bóligi, ıaǵnı 252-si Oral qalasynda. Sondaı-aq Báıterek aýdanynda - 41 jaǵdaı, Bórli aýdanynda - 25, Terekti jáne Shyńǵyrlaý aýdandarynda - 10 oqıǵadan, Jańaqala aýdanynda - 5, Jánibek aýdanynda – 4, Qaratóbe, Syrym, Kaztalov aýdandarynda – 3 jaǵdaıdan, Bókeı ordasy jáne Aqjaıyq aýdandarynda bir-bir oqıǵadan tirkelgen.
Koronavırýs juqtyrǵandardyń kóbi syrqatpen jaqyn qarym-qatynasta bolǵan adamdardy tekserý kezinde anyqtalǵan. Olardyń sany – 150 adam (41,8%).
"Tek sońǵy táýlikte Batys Qazaqstan oblysynda koronavırýstyq ınfeksııamen 30 jaǵdaı tirkeldi, onyń ishinde 22 jaǵdaıda aýrý belgileri bar" deıdi Nurlybek Ermekuly.
Qarasha aıynyń 1-12 aralyǵynda Reseı-Qazaqstan shekarasynan oblys aýmaǵyna barlyǵy 8559 adam ótipti. COVID-19 anyqtamasy bolmaǵan 159 jolaýshy karantındik stasıonarda 3 táýlik jatqyzylyp, PTR ádisimen tekserilgen. Sóıtip 4 adamnan koronavırýs anyqtalǵan. Sondaı-aq halyqaralyq júk tasymalymen aınalysatyn júrgizýshiler arasynan tekserilgen 14 adamnyń boıynan da vırýs tabylǵan.
Batys Qazaqstan oblystyq densaýlyq saqtaý basqarmasy basshysynyń orynbasary Gúlnár Abdrahmanovanyń aıtýyna qaraǵanda, memlekettik shekara boıyndaǵy Tasqala, Jánibek, Aqsaı jáne Syrym sanıtarlyq beketteri janynda jalpy sany 185 tósektik tórt karantındik stasıonar ashylǵan. Qazirgi tańda bul jerlerde 28 naýqas jatyr.
"Qosymsha rezervti ınfeksııalyq tósek oryndarynan Bókeıorda aýdanynan 16 ınfeksııalyq tósek orny ashyldy" deıdi Gúlnár Maqsotqyzy.
Sońǵy málimetter boıynsha, Batys Qazaqstan oblystyq juqpaly aýrýlar aýrýhanasynda, oblystyq kópbeıindi aýrýhanada, Bórli, Aqjaıyq, Jánibek, Báıterek jáne Bókeıorda aýdandyq aýrýhanalary bazasyndaǵy 349 tósek-oryndyq jeti ınfeksııalyq aýrýhanada 117 adam emdelýde. Iаǵnı aýrýhanalar qazir 33,5%-ǵa tolyq. Sonyn ishinde 37 reanımasııalyq tósek ornynda qazir 8 adam jatyr eken.
"Jansaqtaý bóliminde jatqan jandardyń 80%-y – 60-tan asqan, qalǵan 20%-y – 80 jastan asqan qarııalar" deıdi dáriger. Olardyń báriniń de qosymsha sozylmaly júrek-qan tamyrlary, tynys alý júıeleri, sozylmaly búırek aýrýlary bar eken.
О́ńirde pandemııaǵa qarsy barlyq sharalar qolǵa alynǵan, 2028 rezervtik tósek-oryn daıyndalǵan. Onyń 1253-i – ınfeksııalyq stasıonarlarda, 775-i – karantındik stasıonarlarda.
Qazir oblys emhanalary janynan 123 mobıldi brıgada qurylyp, úıge shaqyrtý boıynsha qyzmet kórsetýge kiristi. Olar syrqattan analız, onyń ishinde PTR alýdy júrgizedi, KVI-diń sımptomsyz jáne jeńil formasy bar pasıentterdi ambýlatorııalyq baqylaýǵa alyp, medısınalyq aqparattyq júıege engizedi. Bul brıgadalar arnaıy avtokólikpen, jeke qorǵanys quraldarymen, synamalardy jınaýǵa arnalǵan jınaqtarmen, antıseptıktermen, pýlsoksımetrlermen, arterıaldyq qysym ólsheýge arnalǵan apparattarmen qamtamasyz etilgen.
"Orta eseppen bir emhananyń mobıldi brıgadasy kúnine 9-10 shaqyrtýǵa barady. Al jalpy oblys boıynsha 100 shaqty shaqyrtýǵa baryp, medısınalyq qyzmet kórsetip jatyr" deıdi Gúlnár Abdrahmanova.
Dárigerler tymaý, sýyq tııý belgileri baıqalǵan naýqastarǵa úıden shyqpaı, sıtýasııalyq ortalyq mamandaryna habarlasýyn aıtyp jatyr. Sol jerde tıisti keńes alyp, qajet bolǵan jaǵdaıda dáriger qabyldaýyn uıymdastyrady.
Sońǵy aptada óńirdegi "109" call–ortalyqqa – 2325 qońyraý kelip túsken. Onyń 799-y – COVID-19 boıynsha. Tek sońǵy táýlikte koronavırýs máselesine oraı 132 márte qońyraý shalynǵan.
Oblysta 10 qarashadan beri kúsheıtilgen sanıtarlyq rejım engizilgen bolatyn. Soǵan oraı senbi-jeksenbi kúnderi oblys boıynsha kólik qozǵalysy shekteledi. Túngi 23.00. pen 06.00. saǵat aralyǵynda da jeke avtokólik quraldarynyń júrýine tıym salyndy. Arnaıy monıtornıgtik top qarasha aıynyń basynan beri 41 nysannyń karantın talaptaryn buzǵanyn anyqtaǵan. Sóıtip, 63 ákimshilik quqyq buzýshylyq týraly hattama toltyrylyp, zańbuzýshylarǵa 21 mln teńgeden astam aıyppul salynǵan.
