Aımaqtar • 15 Qarasha, 2020

Batys Qazaqstan óńiri bes elge et eksporttap keledi

82 ret kórsetildi

Batys Qazaqstan oblysynyń ákimi Ǵalı Esqalıev respýblıkalyq joldardyń kúrdeli jóndelýi syrtqy ekonomıkalyq baılanysty nyǵaıtýǵa, sonyń ishinde et eksportyn ulǵaıtýǵa múmkindik beretinin óziniń Facebook paraqshasynda jetkizdi, dep habarlaıdy Egemen.kz

"Búgin Qazaqstan aýylsharýashylyǵy, tamaq jáne óńdeý ónerkásibi qyzmetkerleriniń tól merekesi.

Men osy saladaǵy qyzmet etken barlyq ardagerlerdi, agroónerkásiptik keshen jumysshylaryn shyn júrekten quttyqtaımyn!

Bizdiń óńirde on myńdaǵan jerlesterimiz jaıylymdarda, egistikterde, oblystyń qaıta óńdeý kásiporyndarynda tynymsyz eńbek etip júr. Biz sizderdiń jumystaryńyzdy, óz jumysyńyzǵa degen adaldyǵyńyzdy, týǵan jerge degen súıispenshiligińizdiń nátıjesin óz úılerimizde, dastarqandarymyzda kún saıyn kórip júrmiz.

Sizder mańdaı terdiń arqasynda túgel oblysty azyq-túlikpen qamtamasyz etip otyrasyzdar. Bul ońaılyqpen keletin eńbek emes.

Bıylǵy jyly sizdiń jumysyńyz pandemııa kezinde erekshe baıqaldy. О́ıtkeni búkil álem azyq-túlik tapshylyǵyna tap bolyp, birqatar elder qıynshylyq kórdi. Al sizder eldi azyq-túlikpen qamtamasyz etý úshin úlken janqııarlyq eńbek jasadyńyzdar, ol úshin men sizderge zor alǵysymdy bildiremin.

Bıyl agroónerkásiptik keshen bir adamǵa shaqqandaǵy eńbek ónimdiliginiń artýyn kórsetip otyr. Bul degenimiz, aýylda damý úrdisi júrip jatyr degen sóz.

1

Mal sharýashylyǵynyń tuqymdyq transformasııasy, ósimdik sharýashylyǵynda zamanaýı tehnologııalardy qoldaný, qaıta óńdeý óndirisin ońtaılandyrý ımporttalǵan (olardyń barlyǵy ekologııalyq taza ónim bolmaýy múmkin) ónimdermen básekelesýge múmkindik beredi.

Bizdiń oblystyń agroónerkásiptik kesheniniń áleýeti óte zor. Muny et óndirý jáne qaıta óńdeý, zamanaýı jylyjaılar men qoımalar, sút óndirý jáne qaıta óńdeý sııaqty baǵyttardaǵy ınvestısııalar kóleminiń ulǵaıýynan baıqaýǵa bolady. О́ńir turǵyndaryn sapaly ónimderimen qamtamasyz etý – aýyl eńbekkerleriniń eń joǵary mıssııasy deýge bolady.

Qurmetti sala mamandary, ardaqty eńbekkerler! Barshańyzdy merekemen quttyqtaı otyryp, otbasylaryńyzǵa amandyq, denderińizge saýlyq tileımin. Eńbekterińiz arta bersin!", deıdi óńir basshysy.

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar