Elorda • 15 Qarasha, 2020

2021 jyly Nur-Sultan qalasynyń eldi mekenine aýyz sý jetkiziledi

28 ret kórsetildi

Elordanyń birqatar eldi mekeninde ınfraqurylymdy damytý máseleleri bar. Internasıonalnyı eldi mekeninde birinshi kezekte jaryqtandyrý, aıaldamalar ornatylyp, avtobýs marshrýttarynyń qosymsha sany iske qosylady. Qazir magıstraldy sý qubyry qurylysy bastaldy, dep habarlaıdy Egemen.kz

Magıstraldy sý qubyry aıaqtalǵannan keıin, kvartalishilik jeliler úılerge ótkiziledi. Bul jumystardy 2021 jyly aıaqtaý josparlanǵan. Bul týraly Nur-Sultan qalasynyń ákimi Altaı Kólginov óziniń "Instagram" paraqshasynda jazdy.

"Elordada 16 eldi meken bar. Olardy ortalyqtandyrylǵan damytýdan basqa, aýyz sý, káriz, jaryqtandyrý, joldar salý jáne t.b. máselelerdi sheshý qajet. Aýdan turǵyndary jaryqtandyrý, nóser jáne sharýashylyq kárizderin júrgizý, ınternet, gazdandyrý, joldardy, trotýarlardy asfalttaý jáne t.b. sııaqty ınfraqurylym máselelerin kóterdi.

Birinshi kezekte jaryqtandyrý, aıaldamalar ornatý, avtobýs marshrýttarynyń qosymsha sanyn iske qosýdan bastaımyz. Turǵyndarda ortalyqtandyrylǵan aýyzsý berilmegenin eskere otyryp, biz magıstraldy sý qubyrynyń qurylysyn bastadyq. Magıstraldy sý qubyry aıaqtalǵannan keıin, kvartalishilik jelilerdi úılerge ótkizýge kirisemiz. Bul jumystardy 2021 jyly aıaqtaýdy josparlap otyrmyz. Joldardy asfalttaýǵa kirispes buryn, káriz jáne gazdandyrý jumystaryn aıaqtaımyz. Bıylǵy jylytý maýsymynda birqatar eldi meken gazǵa kóshirile bastaıdy. Prosess birneshe kezeńge bólingen. Aıtylǵan kezdesýde turǵyndar kótergen máseleler josparǵa alyndy.

Osyndaı kezdesýlerdi barlyq eldi mekenderde ótkizip, qala turǵyndarynyń usynystaryn qalany damytý josparyna engizemiz. Turǵyn úı alaptaryn damytý máselesi Memleket basshysynyń baqylaýynda", dep jazdy Altaı Kólginov.

Sońǵy jańalyqtar

Elimizdiń 6 óńirinde joldar jabyldy

Oqıǵa • Búgin, 15:39

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar