"Ekinshiden, Joba áli qaralýda. Týrıstik nysan salýǵa nıetti kompanııa tarapynan naqty ári sońǵy joba áli kelgen joq. Buǵan deıin úsh nusqasy usynylǵan bolatyn. Biraq bul sońǵy varıanty degen sóz emes. Iаǵnı, tolyqtyrý, jetildirý prosesinde. Úshinshiden, aldyn ala el-jurtqa eskertilmeı, qoǵam talqysyna nege usynylmaǵan degen turǵyndar ýáj aıtýda. Joǵaryda atap óttim. Áli kúnge deıin ákimdikke nemese tıisti jaýapty memlekettik organdarǵa jobanyń sońǵy nusqasy berilgen joq. Qolǵa qujat tıgen kezde, ekolog, týrızm salasynyń sarapshylary, jýrnalıster jáne qoǵam belsendileriniń oıyn eskere otyryp ashyq formatta qoǵamdyq tyńdaý uıymdastyrylady. Tórtinshiden, býtık-otel boı kóteretin bolsa, Bozjyra shatqalynan keminde 1,1-5 shaqyrym qashyqtyqta salynýy tıis. Bozjyra eshqandaı qorshalmaıdy, dál qazirgi keıipi sol kúıinde saqtalady", dedi Samat Súleı.
Ol oteldiń aýmaǵy 80 ga degen qate aqparat ekenin jetkizdi. Bul jerde shamamen shaǵyn ǵana 5-6 ga shamasynda bolýy múmkin.
"Altynshy, birneshe qabattan turatyn, bıik emes. Bir qabatty býtık otel bolmaq. Iаǵnı, oıyn-saýyq ortalyǵy emes, alys joldar sharshap kelgen týrısterge qolaıly, demalýǵa yńǵaıly, as iship aıaq sýytatyn ortalyq retinde qarastyrylyp otyr. Qoǵam tarapynan taǵy bir ýáj bar. Qorshaǵan ortaǵa, aınalysyndaǵy jan-janýarǵa zııan bolady degen. Kerisinshe, ol jerde sońǵy tehnologııalardy eskere otyryp, gaz, sý, toq kózderi tartylmaıdy. Barlyǵy kún jáne jel energııa kózderinen alynatyn bolady. Jaýapty mekeme jol sala otyryp, retsiz kólik júrisin rettep, qoqys máselesin qolǵa alady. Taǵy bir eskere ketsek, atalǵan joba áli talqylaný ústinde, naqty joba jasaqtalǵan boıda qoǵam nazaryna usynylatyn bolady", dep tolyqtyrdy ol.
Esterińizge sala keteıik, Bozjyrada qonaqúı salý daýyna qatysty Ekologııa mınıstrligi men Mádenıet vıse-mınıstri pikir bildirgen edi.
