Bıyl elimizde engizilgen jalpy karantındi jaǵdaıǵa baılanysty ýaqytsha tabyssyz qalǵan 77 myńnan asa batysqazaqstandyq azamat memleket tarapynan kórsetilgen áleýmettik kómekke ıe boldy. Al Elbasynyń bastamasymen «Birgemiz» qory óńirdegi 29 myńnan asa adamǵa 1,4 mlrd teńge kóleminde bir jolǵy qarjylaı kómek kórsetken.
Sondaı-aq 4,7 myń otbasy jalpy somasy 1,3 mlrd teńgeden asa ataýly áleýmettik kómek alǵan eken. «Bıyldan bastap 5 myńǵa jýyq balaǵa 277,3 mln teńgege kepildendirilgen áleýmettik toptama berildi» deıdi óńir basshysy Ǵ.Esqalıev.
Búginde Batys Qazaqstan oblysynda jumyssyzdyq deńgeıi – 5% kóleminde. Jyl basynan beri ótken 10 aı ishinde óńirde 16 myńnan asa jańa jumys orny ashylǵan.
2020 jyly jumyssyzdyqty tómendetý jáne oblys halqyn jumyspen qamtý maqsatynda jasaqtalǵan keshendi josparǵa sáıkes 18 myńǵa jýyq adam jumyspen qamtý sharalarymen qamtylǵan eken.
