Onyń aıtýynsha ınfeksııanyń qaıta juǵýy men derttiń aýyr-jeńil ótýiniń eń basty faktory -ımmýndyq júıeniń belsendiligi men aýrýǵa qarsy turý qabiletine qatysty. Shved zerteýshileri qaıtalap aýyrǵan 150 adamdy emdeý nátıjesinde jınaqtalǵan tájirıbemen bólise otyra, birinshi juqqan kezde aýrýdan aıyǵý barysy qalaı ótýiniń mańyzdy ekenindigine toqtalǵan. Alǵashqydan góri ekinshi aýyrǵanda vırýstyń aǵzadaǵy organdarǵa tıgizer siltisi azyraq bolady degen oı aıtqan.
Malma ýıversıtetiniń dárigeri Iohan Tam aýrýdyń qaıta juǵýnyń birden bir sebebi- antıdenelerdiń túzilmeýinde jatyr dep esepteıdi. Al bul aýrýdyń ózgesheligi sol, aýyryp turǵan jandardyń barlyǵynda birdeı antıdene túzilmeıdi.
Financial Times habarlaýynsha Ulybrıtanııada amerıkalyq Johnson & Johnson kompanııasy COVID-19–ǵa qarsy vaksınanyń úshinshi kezeńin synaqtan ótkizýdi bastaǵan.
Vaksınany tájirıbeden ótkizýge 6 myń brıtandyq erikti qatyssa, buǵan qosa álemniń birneshe elinen 30 myń adam Birikken koroldik vaksınasynyń klınıkalyq tájirıbesine qatysatynyn bildirgen.
Amerıkalyq kompanııamen el Úkimeti arasynda jasalǵan kelisim boıynsha eriktilerge aldymen plasebo nemese tájirıbedegi Ad26COV2 preparatynyń dozasy beriledi, tek araǵa biraz ýaqyt salyp 8\ 57 kún ótkende vaksınanyń nemese plasebonyń ekinshi dozasy salynady dep uıǵarylǵan. Tájirıbege qatysýshylar bul rette ózderine vaksına salynyp jatyr dep esepteıdi, al kimge ne salynǵany tek zertteýshilerge ǵana aıan. Al olar tájirıbeden ótýshilerdi úzdiksiz jiti baqylap otyrady .
Buǵan deıin Ulybrıtanııada AQSh-tyń Novavax bıotehnologııalyq jáne brıtan-shved farmasevteri AstraZeneca kompanııalarymen birlese Oksford ýnıversıteti ǵalymdarynyń qatysýymen taǵy bir vaksına jasaýǵa kiriskenin jazǵan bolatynbyz.
Johnson & Johnson kompanııasy eger vaksına tájirıbeden oıdaǵydaı ótetin bolsa, onyń alǵashqy partııasy aldaǵy jyldyń basynda aq sertıfıkasııasyn alady degen úmitte eken.
Avstralııanyń ońtústiginde vaksına jáne KVI-ge qarsy dáriler shyǵaratyn zaýyt salynady. Avstralııa úkimetiniń málimdemesine súıene bul jaıynda SBS telekanaly jarııa etkenin álemdik BAQ jazýda.
Bul úshin el úkimeti 720 mln ınvestısııa salmaqshy kórinedi. Avstralııalyq bir mıllıard dollar bolatyn bul somany bólýdegi maqsat- jeke jatqan qurlyq turǵyndaryn pandemııadan qorǵap, aman saqtap qalý. Premer-mınıstr Skott Morrıson bul ınvestısııalyq paket pandemııadan saqtaný úshin ǵana emes, jalpy densaýlyq salasynyń damýyna oń yqpal etýmen qatar, el ekonomıkasyn nyǵaıtýǵa da úlesin qosady dep esepteıtinin aıtqan. «Ári bul ulttyq qaýipsizdigimizdi qamtamasyz etý úshin de mańyzdy qadam» degen Skot Morrıson.
Iri jobanyń basy Melbýrndaǵy Ulttyq bıotehnologııalyq kompanııa CSL Limited bazasynda jasaqtalyp, 2026 jyly aıaqtalady delingen.
Meksıka 1 mln adamy aýrý juqtyrǵan 11-shy el boldy dep jazady Djon Hopkıns ýnıversıtetiniń málimetine júgingen RBK.
Meksıka onsyz da álem boıynsha koronavırýstan óte kóp azamatynan aırylǵan alǵashqy bestikke kiretin. Jaǵdaıdyń ýshyǵýyna baılanysty Mehıko meri Klaýdııa Sheınbaým barlar men túngi klýbtardyń jumysy toqtaıtynyn málimdegen. Al meıramhanalar túngi 22:00 saǵatqa deıin onyń ózinde zalǵa 30 paıyz ǵana adam otyrýyna ruqsatymen ǵana jumys isteıdi, bul shekteý keminde 15 kún bolady degen mer. Mehıko turǵyndary bir-birimen aralasýdan qashyqtap, 10 adamnan artyq bir jerge toptanýǵa bolmaıdy delingen jańa talapta. Munymen qatar el astanasynda chek-ın júıesi iske qosylǵan. Ol boıynsha kópshilik jınalatyn orynǵa kelýshi QR-kod arqyly telefonyn tirketýi tıis. Sonyń arqasynda adam vırýs juqtyrǵan jaǵdaıda onyń kimdermen bir jerde bolǵany, kimge juqtyrýy múmkindigi anyqtalatyn kórinedi.
