Elbasynyń "Nur Otan" partııasynyń 18 sezinde bergen tapsyrmasyna sáıkes qabyldanǵan "Aýyl-el besigi" jobasyn iske asyrý joldary baıandaldy. Onyń basty maqsaty-aýyldaǵy ómir súrý sapasyn jaqsartý, aýyldyq jerlerdegi ınfraqurylymdy jańartyp, óńirlik standarttar júıesiniń parametrlerine jetkizý.
Búgingi tańda "Aýyl-el besigi" jobasyna damý áleýeti bar jáne halyq sany kóp 28 aýyldyq eldi meken engizildi. Jobanyń maqsaty – aýyldaǵy ómir sapasyn jaqsartý, aýyldyq jerdegi ınfraqurylymdy jańartý, olardy Aımaqtyq standarttar júıesiniń parametrlerine jetkizý.
Aǵymdaǵy jyly osy joby aıasynda Beıneý, Aqshuqyr, Qyzyltóbe, Baıandy, Basqudyq, Rahat, Shetpe joldar men áleýmettik nysandardy salý jáne ortasha jóndeý júrgizildi. Barlyǵy 3,8 mlrd. teńgege 39 joba jasaldy.
"Aýyl-el besigi" aıasynda 2021 jyly 13 jobany iske asyrý josparlanǵan. Saıyn Shapaǵatov aýyly – 9 joba, Jetibaı aýyly-3. Qazirgi ýaqytta olardyń úsheýi aıaqtaldy, beseýi boıynsha qurylys jumystaryn jyl sońyna deıin aıaqtaý josparlanyp otyr. 2 joba - Aqshuqyr aýylynda dene shynyqtyrý-saýyqtyrý kesheni men Rahat aýylynda 300 oryndyq mádenıet úıiniń qurylysy kelesi jylǵa kóshiriledi.
Budan keıin jumys barysynda jumyspen qamtýdy úılestirý jáne áleýmettik baǵdarlamalar basqarmasynyń basshysy Shyńǵys Dúısenov halyqqa ataýly áleýmettik kómek bólý boıynsha atqarylǵan jumystar týraly aıtyp berdi. Onyń málimettinshe, aǵymdaǵy jyldyń 1 qarashasyna deıin 20 545 adam (3 807 otbasy) jalpy alǵanda 1,6 mlrd.teńge aldy. Kepildendirilgen áleýmettik paketpen qamtamasyz etý úshin 1 jastan 6 jasqa deıingi 4 895 bala 209,3 mln.teńgege azyq-túlik paketimen qamtamasyz etildi. Mańǵystaý oblysynda eń tómengi kúnkóris deńgeıi aǵymdaǵy jyldyń 2 toqsanynan bastap 37 798 teńgeden 41 695 teńgege deıin ósti.
Sondaı-aq keńes barysynda kásipkerlik sýbektileri men jeke tulǵalardyń sanıtarııalyq-epıdemııalyq qaýipsizdik talaptaryn saqtaýyn baqylaý jónindegi monıtorıngtik toptyń jumysy týraly baıandama jasaldy. Búginde Mańǵystaý oblysynda 24 monıtorıngtik top jumys isteıdi, olardyń quramyna tártip saqshylary, "Atameken" kásipkerler palatasynyń qyzmetkerleri, qalalar men aýdandar ákimdikteriniń qyzmetkerleri kiredi. Sondaı-aq, úkimettik emes uıymdardyń ókilderi men eriktiler erekshe úles qosýda. Olar monıtorıng tobyna tártip buzýshylyq faktilerin anyqtaýǵa kómektesedi. Sonymen qatar, bul jumystyń ashyqtyǵy men obektıvtiligin qamtamasyz etý úshin buqaralyq aqparat quraldary da tartyldy.
17 tamyzdan bastap oblys boıynsha 5235 kásipkerlik nysany jumysyn qaıta bastady. Búgingi kúnge deıin 761 reıdtik is-shara ótkizildi. 1748 nysan qamtyldy, 131-de sanıtarlyq talaptardyń buzylýy anyqtaldy. JPQ qyzmetkerleri oblystyq sanıtarlyq-epıdemıologııalyq baqylaý departamentine 443 materıal jiberdi. Nátıjesinde QR ÁQBtK-niń 425-babyna sáıkes 109 jeke jáne zańdy tulǵalarǵa jalpy somasy 8 986 830 teńge aıyppul salyndy.
