2020 jylǵy 15 qarasha – Mysyrdyń Joǵary Konstıtýsııalyq sotynyń tóraǵasy Saıd Mareı men onyń orynbasary Abdel Omar Sherıfke "Qazaqstan Konstıtýsııasyna 25 jyl" mereıtoılyq medaldaryn tabys etti.
Qazaqstan Elshisi Qaırat Lama Sharıf óz sózinde: "Ata Zań elimizdiń jańa tarıhynda halqymyzdyń erkin erigi men Tuńǵysh Prezıdent – Elbasy Nursultan Nazarbaevtyń salıqaly strategııasynyń birligin belgilegen úlken qadam boldy jáne qazirgi ýaqytta bul baǵytty Memleket basshysy Qasym-Jomart Toqaev jalǵastyryp kelýde", dep atap ótti.
Dıplomat Mysyr tarapyna konstıtýsıonalızmniń ıdeıalary men qaǵıdattaryn ilgeriletýge jáne damytýǵa baǵyttalǵan eki eldiń sot organdary arasyndaǵy kópjosparly jáne syndarly ózara is-qımyldy jolǵa qoıǵany úshin rızashylyǵyn bildirdi.
S.Mareı men A. Sherıf osyndaı erekshe iltıpatqa shynaıy alǵystaryn bildirip, "bul oqıǵany Qazaqstanmen ózara qarym-qatynastardy damytý jáne odan ári tereńdetý jónindegi mysyrlyq kúsh-jigerdi taný retinde qarastyramyz" dep atap ótti. Konstıtýsııalyq sottyń basshysy atalǵan is-shara Qazaqstan Respýblıkasynyń Tuńǵysh Prezıdenti kúni qarsańynda ótip jatqandyǵyna toqtalyp, N.Nazarbaevtyń memlekettiń quqyqtyq negizderin nyǵaıtýdaǵy erekshe rólin tilge tıek etti. Ol Qazaqstan men Mysyrdyń sot organdary arasyndaǵy ózara is-qımyl rýhyndaǵy syndarly yntymaqtastyqty odan ári jalǵastyrýǵa múddelik tanytty.
Sonymen qatar, Elshi is-sharanyń qurmetti qonaqtarynyń biri Mysyr Parlamenti Senatynyń Tóraǵasy Ábdel Ýahab Ábdel Razıkti osy laýazymǵa saılanýymen quttyqtap, onyń atyna kelip túsken Qazaqstan Senatynyń tóraǵasy Máýlen Áshimbaevtyń quttyqtaý hatyn oqyp berdi.
Á.Razık 10 qańtarda Qazaqstanda ótetin parlamenttik saılaý "demokratııalyq ózgerister jolynda senimdi alǵa basýdyn jáne ulttyq ál-aýqat deńgeıi artýynyń taǵy bir aıqyn dáleli bolady" degen senimin málimdedi. Onyń aıtýynsha, "Mysyr Qazaqstanmen qalyptasqan dostyǵyn shynaıy baǵalaı otyryp, saıasattaǵy, ekonomıkadaǵy, ǵylymdaǵy jáne mádenıettegi ortaq jetistikterdi maqtan tutady, halyqaralyq arenada qol jetkizilgen ózara is-qımyldyń joǵary deńgeıin baǵalaıdy" dep sózin túıindedi.
Saltanatty jıynda Elshi eki el parlamentteriniń joǵarǵy palatalary arasynda parlamentaralyq dostyq toptyń qurylǵandyǵyn habarlady. Onyń quramyna Qazaqstan tarapynan Parlament Senaty tóraǵasynyń orynbasary Nurlan Ábdirov bastaǵan 11 depýtat kirgendinin jetkizdi.
Is-sharaǵa sondaı-aq Ádilet mınıstri Omar Marýan, Aqparat mınıstri Osama Heıkal, Memlekettik keńestiń tóraǵasy Muhammed Hýsam ad-Dın, taǵy basqa da kórnekti saıası jáne qoǵam qaıratkerleri, Mysyrda akkredıttelgen shet memleketterdiń elshileri, buqaralyq aqparat quraldarynyń ókilderi qatysty.
