"Maǵan áli aıyppul salynbady, hattama toltyraıyn dep jatyr. Zańdy buzǵan shyǵarmyn múmkin, biraq olar ne úshin jaýapqa tartqysy keletinin túsinbeımin. Olar maǵan dúısenbide qońyraý shalyp, nege sol jerde vıdeo túsirgenimdi surady. Kim ruqsat berdi dep surady. Qandaı ruqsat týraly aıtyp jatqanyn túsinbedim. Olar menen nege qoryq aımaǵynda túsirip jatyrsyz dep surady. Bul úshin jaýapkershilikke tartylasyz dedi", deıdi Azamat Sársenbaev.
Sondaı-aq ol qoryq aımaǵynda vıdeo túsirýge tyıym salynǵanyn bilmeıtinin alǵa tartty.
"Árıne, men qoqıqazdardy mazalaǵanymdy moıyndaımyn, qandaı da bir quqyqbuzýshylyq bar shyǵar. (...) Biraq men bul baptyń neni bildiretinin túsinbeımin. Dronmen tyıym salyna ma?", deıdi ol.
Beınerolık avtorynyń aıtýynsha, hattama Ákimshilik quqyq buzýshylyq týraly kodekstiń 378-baby ("О́simdikter ósetin jerler men janýarlardyń tirshilik etý ortasyn qorǵaý qaǵıdalaryn, Zoologııalyq kolleksııalardy jasaý, saqtaý, esepke alý jáne paıdalaný qaǵıdalaryn buzý, sol sııaqty janýarlar túrlerin zańsyz kóshirý, ıntrodýksııalaý, reıntrodýksııalaý jáne býdandastyrý") boıynsha toltyrylmaq.
Azamat Sársenbaev aıyppul salynsa, tóleıtinin aıtady. Biraq ol durys sheshim shyqpasa, daýlasatynyn jetkizdi.
