– О́kinishke qaraı, kúndelikti ómirde birqatar memlekettik fýnksııalar óz dárejesinde atqarylmaı, sapasyz jáne tıimsiz bolyp tur. Menińshe, bul máseleni sheshýdiń eki joly bar, – dedi Ortalyq kommýnıkasııalar qyzmetinde ótken baspasóz konferensııasynda jýrnalıster saýalyna jaýap bergen óńir basshysy.
Oblys ákimi atap ótkendeı, muny sheshýdiń birinshi joly – óńirdiń qaýipsizdigin qamtamasyz etetin nemese strategııalyq bolyp sanalmaıtyn memlekettik fýnksııanyń bárin jeke sektorǵa tapsyrý.
Turǵyndarǵa kórsetiletin qyzmet sapasyn arttyrý jáne óńir kásipkerlerin uzaqmerzimdi qoldaý maqsatynda bıyl servıs jáne jańa tehnologııalar kolledji, Oral qalasyndaǵy ortalyq stadıon sııaqty birqatar nysandar jeke kásipkerlerdiń senimgerlik basqarýyna ótti.
Ákim aıtqan ekinshi jol – qazir qyzmette júrgen memlekettik qyzmetshilerdi yntalandyrý jáne jańa kreatıvti menedjerlerdi qyzmetke tartý arqyly memlekettik qyzmettiń bedeli men sapasyn arttyrý.
– 2021 jyldyń 1 shildesinen bastap faktorly-ball júıesin engizý týraly Memleket basshysynyń sheshimi qyzmetkerdiń jalaqysyn 2-3 ese ósirýge múmkindik beredi. Bul memlekettik qyzmetshilerdiń qyzmet sapasyn arttyrýyna shynaıy stımýl ǵoı, – dedi oblys ákimi.
Nátıjesinde, bul isterdiń ıgiligin turǵyndar men bıznes ókilderi kóretini anyq.
