Qaraótkel zamanynda keńinen shyrqalǵan ánderdi búgingi tolqynǵa qaıta jańǵyrtqan konsert tyńdarmandardy ótken shaqpen qaýyshtyrdy. О́z zamanynyń bulbuldaryn bir arnaǵa toǵystyrǵan óner keshinde halyq ánderi «Qarǵam-aý» men «Shıli ózen», Ǵazız Faızollaulynan «Shalqyma», Birjan saldan «Adasqaq» pen «Aıtbaı», Aqan seriniń ánderi – «Balqadısha» men «Shámsı-Qamar», Maıranyń «Tolqymasy», Jaıaý Musanyń «Kógarshyn», Sátmaǵambettiń «Qanattaldy» týyndylary shyrqaldy. Uıymdastyrýshylardyń aıtýynsha, dástúrli án keshi bolashaqta aýqymdy konsertpen halyqqa usynylatyn bolady.
