Durys tańdalǵan uzaq merzimdi strategııa, sondaı-aq óndiristik tájirıbe álemdi jaılaǵan pandemııaǵa baılanysty jahandyq daǵdarysty materıaldyq jáne kadrlyq shyǵyndarsyz eńserýge múmkindik berdi. Otandyq zaýyt óz óniminiń 90% eksportqa jiberedi. Eksport geografııasy 20-dan astam eldi quraıdy, olardyń qatarynda Reseı, Belarýs, Ýkraına, О́zbekstan, Grýzııa, Italııa, Túrkııa jáne basqa da jaqyn jáne alys shetelder bar.
Qazaqstan elektrolız zaýyty elimizdegi alǵashqy alıýmınıı óndiretin jalǵyz zaýyt bolyp tabylady. Bul alıýmınıı totyǵyn qalpyna keltirý arqyly alynǵan jáne quımalarǵa quıylǵan joǵary sapaly alıýmınıı.
Zaýyt 20 keli bolatyn alıýmınıı quımalaryn shyǵarady. Sońǵy 2 jyl ishinde metall 2 túrde, quıma jáne suıyq túrinde jetkiziledi. Kólemniń shamamen 60%-y kabeldik ótkizgish ónimder óndirisine, 20% metall konstrýksııalary óndirisine tıesili.
Kásiporyn óz qýatyn keńeıtýdi jalǵastyrýda. Tok kúshin arttyrý jobasynyń esebinen zaýyttyń qýattylyǵy 2019 jyly 250 myń tonnadan 263 myńǵa deıin artty. Búginde kompanııa 206 myń tonnadan astam bastapqy alıýmınıı óndirdi, osy jylǵa arnalǵan josparlar ózgerissiz qalady 265 myń tonna.
Budan bólek, Qazaqstannyń Damý Bankiniń qaryz qarajaty esebinen zaýyt úshin quny 1 018 mlrd AQSh dollary bolatyn joǵary tehnologııalyq jabdyq satyp alý qarjylandyryldy. Onyń ishinde óz qarajaty 618,3 mln AQSh dollaryn, QDB – 400 mln AQSh dollaryn qurady. QDB men "Qazaqstan elektrolız zaýyty" AQ áriptestiginiń nátıjesi Pavlodar óńirinde eńbek ónimdiligin qamtamasyz etetin, sondaı-aq eldiń eksporttyq áleýetin damytýǵa eleýli úles qosatyn bastapqy alıýmınıı óndirisi boıynsha quraýshy ındýstrııalyq alypty qurý boldy.
