"О́ńirde koronavırýs ınfeksııasynyń taralýyna baılanysty kúrdeli jaǵdaı saqtalyp otyr. COVID-19 alǵashqy oqıǵasy tirkelgen sátten bastap, 14 402 juqtyrý jaǵdaıy tirkeldi. Oblys aýrýhanalarynda búgin 659 adam jatyr. Aptasyna ortasha ósý qarqyny 1,7 paıyzdy quraıdy", dedi Danıal Ahmetov.
Sonymen qatar ol oqýshylardyń indetke shaldyǵý jaǵdaıyna qatysty toqtaldy.
"О́kinishke qaraı, oqý bastalǵannan beri oblysta oqýshylar arasynda koronavırýstyń 410 oqıǵasy tirkeldi. Onyń ishinde 291 oqýshy qashyqtan, 119 oqýshy 93 mektepte shtattyq rejimde oqydy. Indet tabylǵannan keıin barlyq mektepter jabylyp, oqýshylar qashyqtan oqytýǵa aýystyryldy. Vırýs kóbinese úı jaǵdaıynda juqqan. Búgingi tańda oblys aýrýhanalarynda oqýshylar joq", dedi óńir basshysy.
Oblys ákiminiń aıtýynsha, tolyq medısınalyq jabdyqtalǵan 6,2 myń tósek-oryn daıyndaldy. Infeksııalyq bólimderdegi emdelýshiler oksıgenoterapııamen júz paıyz qamtamasyz etilgen.
Esterińizge sala keteıik, Shyǵys Qazaqstan oblysy koronavırýs juqtyrý jaǵdaılary boıynsha "qyzyl aımaqqa" engen.
