Makron óz sózinde vaksınanyń turǵyndardyńbarlyǵyna birdeı jetkizilýin aıtsa, Germanııa kansleri Angela Merkel onyń álemdegi barlyq memleketterdiń halqyna qoljetimdi bolýyn, vırýsqa qarsy kúrestiń tıimdiligin arttyrýda jumyla qımyldaýdyń mańyzyna mán berdi. Al Eýrokomıssııa basshysy Ýrsýla fon der Lıaıen kóshbasshy memleketterdi SARS-CoV-2 kúreske arnap $4 mlrd 500 mln bólýge shaqyrdy. Ol bul jaıynda 21 qarashada óziniń Twitterdegi paraqshasynda jazyp : «Vaksına pandemııany aýyzdyqtaýǵa kómektesedi.Sondyqtan men sammıtte ACT Acceleratorbastamasyn qoldaý úshin jyldyń aıaǵyna deıin $4,5 mlrd ınvestısııa jasaýǵa shaqyrdym. Bul vırýsqa qarsy testter men dári-dármekterdi jáne vaksınany jahandyq turǵyda qamtamasyz etý úshin qajetti soma», degen.
Esterińizge salaı keteıik, ACT AcceleratorCOVID-19-ǵa qarsy turyp, toıtarys berý maqsatynda da bıyl sáýir aıynda halyqaralyq áriptestik úshin qurylǵan joba bolatyn.
Ulybrıtanııa jeltoqsan aıynda jalpylama karantındi lokaldi, jekelegen aımaqtarǵa ǵana jasaıdy deıdi Borıs Djonsonn Úkimetiniń baspasóz qyzmetine júgingen REGNUM.
Aqparatta 22 qarasha kúni Birikken koroldiktiń úkimetinde elde vırýstyń taralýy qaralyp, sonda jasalǵan uıǵarymdy Borıs Djonson 23-i kúni parlamentte jarııa etedi dep habarlanǵan.
Qazirgi boljam boıynsha Anglııada úsh satyly shekteý engiziledi dep jobalanǵan. Birinshisi, pabtar men qoǵamdyq tamaqtaný oryndarynyń barlyǵynyń túngi 22.00 de jabylýy jáne 6 adamnan asqan toppen jınalýǵa ruqsat berilmeýi. Ekinshi satyda, bir úıde birge turmaıtyn jandardyń kópshilik sharalarǵa jınalyp kezdesýler ótkizbeýi, al úshinshisinde,barlyq kezdesýlerge tıym salynyp, pabtar men meıramhanalar jumysy toqtaıtyny.
Sońǵy derekterge qaraǵanda Ulybrıtanııada pandemııadan 1 493 383 jan zardap shegip, 54 626 adam vırýs qurbany bolǵan.
Portýgalııa Premer-mınıstri Antonıý Koshta indettiń etek jaıýyna baılanysty jańa shekteýler engizýge májbúrlik jaıynda habarlady.
Jańa ereje-tártip boıynsha 27 qarasha men 2jeltoqsan jáne 4-shi jeltoqsan men 9-y aralaǵynda eldi mekender aralyǵyndaǵy júris-turys shekteledi. Bul qadamdar eldegi ulttyq merekeler tusynda adamdardyń bir-birine qatynaýynan týatyn vırýs juǵýyn tejeıdi.
«Bizdegi aýrýdyń ósimi ult qaýipsizdigine nuqsan keltirerlikteı kúıde degen pikirdemiz. Sondyqtan da ony azaıtý úshin, aýrýdyń odan ári órshimeýi úshin osyndaı qadamǵa barýǵa májbúrmiz», dep halyqty densaýlyqtaryna muqııat bolýǵa shaqyrdy.
Qarashanyń 21 kúni Portýgalııada jańadan 6472 janǵa vırýs juqqany anyqtalyp, 62 pasıentCOVID-19 –dan kóz jumǵan. Pandemııa bastalǵannan beri 255 970 adam SARS-CoV-2 ınfeksııasynan aýyrǵan.
Kári qurlyqtaǵy Makedonııa, Kosovo syndy shaǵyn memleketterge indet tyrnaǵy batyp tur.
Soltústik Makedonııanyń densaýlyq saqtaý mınıstrligi 21 qarashada 3 109 adam arasynda júrgizilgen tekserýde 1 182 jannyń vırýs juqtyrǵany anyqtalǵanyn habarlaǵan.
Aýrýlar sany kún saıyn ósip jatqanyna alańdaǵan úkimet eldegi densaýlyq salasynyń mundaı tolqynǵa tótep bere almaıtynyna qynjylyp, qazirdiń ózinde óńirlerdegi aýrýhanalarda oryn jetispegendikten turǵyndardyń qınalysyn jetkizdi.
Negizinde Balqan túbeginiń batysyn jaılaǵan elder ishinde Makedonııa vırýs qurbandarynyń sany jaǵynan buryn da alǵa shyqqan-dy. Sońǵy apatada vırýs juqtyrýdyń burynǵydan da óskeni Úkimetti qatty alańdatý ústinde. Keı kúnderi kúnine 30 keıde 40 adamynan aırylyp jatqan Makedonııa, eger halyq saqtyq sharalaryn durys ustamasa jaǵdaı munan da aýyrlap, qaza sany kúnine 100 janǵa deıin jetýi múmkin degen qaýip aıtady.
Juma kúninen bastap zpıdemıologııalyq ahýalǵa baılanysty Kosovo úsh bólikke bólindi. El astanasy Prıshtına «qyzyl aımaqqa» enip, ondaǵy shekteýler qataıyp, saǵat 19:00 do 05:00 aralaǵyna komendanttyq ýaqyt belgilendi.
Prıshtına meri Shpend Ahmetı 26 qarasha kúni bir aptadan soi jaǵdaı munan da aýyrlaıdy dep aıtqan bolatyn. Mer boljamy ras bolyp shyqty. Endi kún saıyn 700 –deı adamnan vırýs juqtyrý anyqtalyp jatyr. Al onyń budan da ósýi de múmkin degen bılik alda táýligine 1000 adamǵa juǵady dep qaýiptenedi.
