2013 jylǵy 26 qyrkúıek, Astana qalasy
«Sporttyq ataqtar men razrıadtar jáne sporttan tóreshi sanattaryn berýdiń erejesin bekitý týraly» Qazaqstan Respýblıkasy Týrızm jáne sport mınıstrliginiń m.a. 2008 jylǵy 22 tamyzdaǵy №01-08/142 buıryǵyna ózgerister boıynsha
«Deneshynyqtyrý jáne sport týraly» Qazaqstan Respýblıkasy Zańynyń 23-babynyń 20) tarmaqshasyna sáıkes buıyramyn:
1. «Sporttyq ataqtar men razrıadtar jáne sporttan tóreshi sanattaryn berýdiń erejesin bekitý týraly» Qazaqstan Respýblıkasy Týrızm jáne sport mınıstrliginiń 2008 jylǵy 22 tamyzdaǵy №01-08/142 buıryǵyna (normatıvtik quqyqtyq kesimderdi memlekettik tirkeýdiń tizilimine № 5306 tirkeldi; «Zań gazeti» gazeti 2008 jylǵy 16 qazan, №158 (1384), Qazaqstan Respýblıkasynyń Ortalyq atqarýshy jáne ózge de ortalyq memlekettik organdarynyń aktiler jınaǵy, 2008 j., №10) kelesideı ózgerister engizilsin:
kórsetilgen buıryqpen bekitilgen Sporttyq ataqtar men razrıadtar jáne sporttan tóreshi sanattaryn berý erejesinde:
4-tarmaqta:
tarmaqsha mynadaı redaksııada jazylsyn:
«1) sporttyq ataqtar:
«Qazaqstan Respýblıkasynyń eńbek sińirgen sport sheberi» qurmetti ataǵy;
Qazaqstan Respýblıkasynyń halyqaralyq dárejedegi sport sheberi;
Qazaqstan Respýblıkasynyń sport sheberi.»;
9-tarmaǵy mynadaı redaksııada jazylsyn:
«9. «Qazaqstan Respýblıkasynyń eńbek sińirgen sport sheberi» qurmetti ataǵy, «Qazaqstan Respýblıkasynyń halyqaralyq dárejedegi sport sheberi» jáne «Qazaqstan Respýblıkasynyń sport sheberi» sporttyq ataqtaryn, osy buıryqtyń 15-1-tarmaǵynda qarastyrylǵan jaǵdaılardan basqa jaǵdaılarda, dene shynyqtyrý jáne sport máseleleri jónindegi oblystyq (respýblıkalyq mańyzy bar qalanyń, astananyń) jergilikti atqarýshy organnyń, Qazaqstan Respýblıkasy Qorǵanys mınıstrliginiń Áskerı ortalyq sport klýbynyń, sport túrlerinen respýblıkalyq federasııalardyń usynymy boıynsha ýákiletti organ beredi.».
2. Deneshynyqtyrý departamenti (Q.M. Qazbekov ):
1) belgilengen tártippen Qazaqstan Respýblıkasy Ádilet mınıstrligine osy buıryqty memlekettik tirkeýge usynsyn;
2) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin ony buqaralyq aqparat quraldarynda resmı jarııalaýdy qamtamasyz etsin.
3. Baspasóz qyzmeti osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin ony Qazaqstan Respýblıkasy Sport jáne deneshynyqtyrý isteri agenttiginiń resmı saıtynda jarııalaýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasynyń Sport jáne deneshynyqtyrý isteri agenttigi tóraǵasynyń orynbasary E.B.Qanaǵatovqa júktelsin
5. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Qazaqstan Respýblıkasy Sport jáne deneshynyqtyrý isteri agenttigi
Tóraǵa E.QOJAǴAPANOV.
Buıryq Qazaqstan Respýblıkasynyń Ádilet mınıstrliginde 2013 jylǵy 30 qazanda Normatıvtik quqyqtyq kesimderdi memlekettik tirkeýdiń tizilimine №8865 bolyp engizildi.
