Kezdesýde Shymkent qalasynda Sıngapýrdyń MDIS ýnıversıtetiniń fılıalyn ashý máselesi talqylandy. Ýnıversıtet eń qajetti mamandardy daıarlaıdy. Shymkentte qaı mamandyqtardyń oqytylatyny eki jaqty kelisimder nátıjesinde anyqtalady. Ýnıversıtettiń kommersııalyq emes fılıaly kópshilikke qoljetimdi, áleýmettik baǵytta ashý kózdelýde.
Murat Dúısenbekuly megapolıs qalanyń damý baǵytynda osyndaı bastamalar asa qajet ekeni, bul rette oqý ornynyń bazasy daıyn ekenin atap ótti.
1956 jyly qurylǵan áıgili oqý orny stýdentterdi bıznes-menedjment, dızaın, BAQ jáne baılanys, densaýlyq saqtaý, meıirbıke isi, týrızm, aqparattyq tehnologııalar ındýstrııasy, kıberqaýipsizdik jáne ekologııa mamandyqtary boıynsha oqytady. MDIS Ulybrıtanııanyń ýnıversıtetterimen yntymaqtastyqta jumys isteıdi.
Ýnıversıtettiń shetelderde (Malaızııa men О́zbekstanda) fılıaldaryn ashý jáne oqý úderisin uıymdastyrýda tájirıbesi bar. Atap aıtqanda, 2008 jyly О́zbekstanda MDIS fılıaly ashylǵan.
2021 jyly Qazaqstan Respýblıkasy Prezıdentiniń Sıngapýr Respýblıkasyna resmı sapary josparlanýda. Sondaı-aq, kezdesýde osy sapar barysynda Shymkent qalasynyń týrıstik jáne ınvestısııalyq áleýetin nasıhattaıtyn mádenı is-sharalar ótkizý máselesi de talqyǵa tústi.
