Máskeýde polısııa men arnaıy qyzmet ókilderi qarý men jarylǵysh zattary bar 15 ekstremısti qolǵa túsirdi. Bul týraly Utro.ru habarlady.
«Qarashanyń 26-nan 27-ne qaraǵan túni Máskeýdiń shyǵysynda ótken jedel izdestirý sharalary barysynda «At Takfır val-Hıdjra» radıkaldy ekstremıstik qurylymnyń 14 ókili tutqyndaldy», – dep málimdedi polısııa ókili. Birshama ýaqyt ótken soń bul toptyń taǵy bir múshesi basqa meken jaıda ustalǵany belgili boldy.
«Tintý barysynda qurylym múshelerinen qoldan jasalǵan úsh jarylǵysh zat pen qarýlar, sondaı-aq ekstremıstik ádebıetter tárkilendi», – dep habarlady Reseıdiń ishki ister mınıstrligi.
Lifenews.ru saıtynyń quqyq qorǵaý organdaryndaǵy aqparat kóziniń málimeti boıynsha, tutqyndalǵan sodyrlar Máskeýde terakt uıymdastyrmaq bolǵan. Topty arab memleketteriniń birinde daıyndyqtan ótip kelgen lańkes basqarǵan. Ol óziniń qataryna kóbinese Aýǵanstan, Sheshenstan men Ońtústik Osetııadaǵy áskerı qımyldarǵa qatysqan adamdardy jınaýǵa tyrysqan kórinedi.
Radıkaldy top sondaı-aq esirtki saýdasymen aınalysyp, odan túsken paıdany ekstremıstik qyzmettiń qarjylandyrylýyna jumsaǵan eken.
Aıdar О́risbaev.
Derekkóz: Utro.ru
