Almaty qalasyndaǵy «baraholkany» retke keltirý máselesi 2014 jyly sheshimin tabady. Bul týraly Total.kz habarlady.
Jospar boıynsha aldymen jaımabazardyń soltústik bóligindegi jol keńeıtiletin bolady. Bul tóńirektegi jumystardy pysyqtaý máselesi birneshe ret qaralǵan. Almaty qalalyq jer qatynastary basqarmasy zań bóliminiń bastyǵy Aýrıka Júnisbekovanyń málimdeýinshe, «baraholka» aýmaǵynda negizinen jıyrma segiz saýda núkteleri ornalasqan. Sonyń ishinde on birin talapqa saı qaıta qurylymdaýdan ótkizý isi kún tártibinde tur. Al qalǵandaryn buzýǵa sheshim qabyldanǵan. Osy oraıda, Alataý aýdanynyń tóńiregine shamamen 4 saýda úıin jáne Jetisý aýdanynyń mańaıyna osyndaı 7 nysandy salý isi josparlanǵanyn atap ótkimiz keledi. «Jaımabazarlardy buzý qıyndyq týǵyzatyny jasyryn emes. Degenmen, qaýipsizdik úshin zań talabyna baǵynǵan jón. Al 2010 jyly birqatar jaımabazarlardy buzý týraly sot sheshimi shyqty. Osyny oryndaý máselesi endi ǵana qolǵa alyndy. Naqty aıtqanda, jyl sońyna deıin «Aıakóz», «Jarkent», «Aral», «Aqjar», «Davýn» syndy bazarlar buzylady»,-deıdi A. Júnisbekova.
Jańadan salynatyn saýda núkteleri jol-kólik qozǵalysyna kedergi keltirmeýi tıis. Ol boıynsha atqarylatyn jumys josparyn jyl aıaǵyna deıin quziretti organǵa tapsyrý saýda núkteleriniń ıelerine mindetteldi. Bul talap oryndalmaǵan jaǵdaıda, jergilikti bılik óz talabyn sotqa joldaýǵa bekinip otyr. Sonymen, «baraholkanyń» tóńiregindegi daý-damaı endi retteletin sekildi.
Ámirhan Almaǵanbetov.
Derekkóz: Total.kz
