Kúni keshe Germanııadaǵy eki iri saıası partııa ózara «úlken koalısııa» qurý jóninde kelisimge keldi. Muny olar Mınıstrler kabınetin birlesip qurý maqsatynda jasady. Bul týraly «Izvestııa» habarlady.
Elde parlament saılaýy ótken soń jeti aptadan keıin HDS/HSS jáne Sosıal-demokratııalyq partııa (SDPG) konservatıvti bloktary ózara koalısııalyq kelisim jasasty. Bul GFR-degi eki eń iri, biraq ıdeologııalyq jaǵynan bir-birlerine qarama-qarsy partııalar ókilderinen quralatyn jańa úkimetti qurýdyń baǵdarlamasy bolyp tabylady. Alaıda, Angela Merkeldiń ózi qazir jańa kabınetti resmı túrde basqaryp kete beretinine senimdi emes. Ony taǵaıynda áli de bolsa sosıal-demokrattardyń erkinde tur.
«Partııasynyń sońǵy 30 jyldyń kólemindegi rekordtyq kórsetkishke jetip, 41,5 paıyzdyq daýys alǵan Merkeldiń ǵalamat jeńisiniń ózi shyn máninde onyń jeńisine aınalmaı tur. Saılaýda daýys berýdiń nátıjesinde ol óziniń basty áriptesi – SvDP-dan aırylyp qaldy. Bul partııa bes paıyzdyq belesten asa almaı, býndestagqa ótpeı qaldy, - dedi Germanııa-Reseı forýmynyń ǵylymı dırektory Aleksandr Rar. - Sondyqtan ol koalısııalyq áriptesti sol saıası qaptaldan izdestirýge májbúr boldy. Endi «úlken koalısııa» týraly kelisimge kelgennen keıin onyń úkimetiniń saıasaty aıtarlyqtaı buzyla bastaıdy».
Saılaýdyń qorytyndysynda býndestagqa HDS-HSS jáne SDPG bloktarynan bólek, taǵy eki partııa ǵana ótti. Sol jaq partııa negizinen Shyǵys Germanııanyń burynǵy kommýnısterinen quralǵan. Olar ejelden konservatorlardyń qarsylastary bolyp sanalyp kelgen.
Sáken Maılybaı.
Derekkóz: Izvestııa.
