Qoǵam • 24 Qarasha, 2020

On lıtr qan tapsyrdy

9 ret kórsetildi

Densaýlyǵyńyz jarap tursa, ózgege ómir syılaǵanǵa ne jetsin. Qan tapsyrý qaıyrymy mol qadam ári bul istiń adam aǵzasyna tıgizer paıdasy mol. Osyny eskergen almatylyq jasotandyqtar jaqsy bastamany qolǵa aldy. Belsendi jastar «Men jaýapty donormyn» aksııasy aıasynda 10 lıtr qan tapsyrdy.

Saýapty iske ún qosqan otyz donordyń arasynda eriktiler de bar. Almaty qalalyq qan ortalyǵynyń ujymy sharapatty sharaǵa belsene qatysqan donorlarǵa dán rıza. О́ıtkeni búgingi tańda óz erkimen qan tapsyratyndardyń qatary sıregen. Al aýrýhanalarda sırek qan tobyndaǵy qanshama naýqas járdemshisin kútip zaryǵyp jatyr.

– Bul meniń alǵash ret qan tapsyrýym emes. Jarty jylda bir ret qan ortalyǵyna kelý ómir saltyma aınal­ǵan. Donorlyqtyń paıdasy týra­ly kóp oqydym. Árıne deni saý adam­ǵa bul tek paıda ákeledi. Qan tap­syrǵan­da adamnyń qan aınalý jáne ımmýn­dyq júıesi jasqaryp, jú­rek-qan tamyrlary, qaterli isik aýrý­laryna shaldyqpaıdy. Eń bastysy, donor óz densaýlyǵyn teksertip, ózge jannyń ómirin saqtap qalady. Mun­daı aksııalar aldaǵy ýaqytta da ót­ki­ziletinine senemin. Biz bar­ly­ǵy­myz birigip, qanǵa muqtaj jan­­darǵa kómek kórsete alamyz. Bar­­sha al­matylyqtardy qan tapsy­ryp, jaqsylyqta jarysýǵa shaqyra­myn, – deıdi qala turǵyny Aqbota Búrkitbaeva.

Aksııa qan donorlyǵyna jastar­dyń nazaryn aýdarýǵa jáne deni saý aza­mattardy ıgi iske qulaǵdar etý­ge baǵyttalǵan. Ortalyq maman­d­arynyń aıtýynsha, almaty qa­la­synda qan tapsyrýǵa keletinderdiń deni jastar.

 

ALMATY

 

Sońǵy jańalyqtar

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar