Қоғам • 24 Қараша, 2020

Жастар медиасауаттылық бойынша жарысты

9 рет көрсетілді

«Жас Ұлан» бірыңғай балалар мен жасөспірімдер ұйымы елордада республика жастарының басын қосты. Байтақ еліміздің ұландары ел астанасына TRUE or FALSE деп аталатын медиасауаттылық бойынша интеллектуалды сайысқа жиналды.

ІІІ кезеңнен тұратын тартысты додаға еліміздің барлық өңірінен 14 пен 29 жас аралығындағы 150-ден астам жас келіп, бас-аяғы 20 коман­да қатысты. Шара аясында олар ки­бер­­қауіпсіздік, медиасауаттылық, IT, жур­­налистика саласындағы жетек­­ші са­рап­шылардан дәріс тыңдады.

Ұйымдастырушылардың ай­туын­­ша, аталған шара арқылы жас­­тар мен мектеп оқушыларына ақ­па­рат­­тық қауіпсіздік, интернет этика, ақ­па­рат­­пен жұмыс істеу және саралау сын­ды қазіргі қоғамдағы маңыз­ды дағды­ларды үйрету көз­деледі. Жарысқа жи­нал­ған жастар алдымен дәріс тыңдап, кейін білім додасында ой жарыстырды.

Сайыстың I кезеңінде командалар 5-ке бөлініп, медиасауаттылық бойынша қойылған 8 сұрақтан тұратын 5 раунд ойын ойнады. II ке­зеңге 15 команда жолдама алып, шындық және жалған бойын­ша викториналық фото, видео сұрақ­тарға жауап берді.

Сайыстың финалдық кезеңі­не қарсыластарынан озып шық­қан 5 команда өтті. Бұл кезеңде қатысушылар қойылған сұрақтар­дың шындық не жалған екенін дәлелдер келтіріп жазбаша тапсырды. Қазылар алқасына өз болжамдарын қорғады.

Сайыс нәтижесінде Түркістан облысының намысын қорғап келген Amazing Turkistan командасы үздік деп танылды.

Соңғы жаңалықтар

Үкіметтің жаңа құрамы жарияланды

Қазақстан • Бүгін, 17:47

Теміржол билеттері қымбаттайды

Қазақстан • Бүгін, 11:19

Батыс Қазақстанда күн суытады

Ауа райы • Бүгін, 10:56

Ұқсас жаңалықтар