Ádebı basqosýdyń nátıjesi retinde, kúni keshe ǵana semeılik jas aqyn Baýyrjan Igiliktiń jyr kitaby jaryqqa shyqty.
«Taǵdyr kózi» dep atalatyn jańa jınaqqa avtordyń lırıkalyq óleńderi men balladalary hám «Medeıa» poemasy enip otyr. Sondaı-aq kitap belgili mesenat Nurlan Dýlatbekovtiń demeýshiligimen, Qasym serııasymen «Bolashaq» baspasynan 1000 danamen jaryq kórdi.
Aıta keteıik, ádebı forýmnyń aıasynda eki jas aqynnyń kitaby shyǵarylatyn bolǵan edi. Baýyrjan Igiliktiń óleńder jınaǵy oqyrman qolyna tıse, al ekinshi avtor – mańǵystaýlyq Edilbek Dúısenniń kitaby mesenat Bekzat Altynbekovtiń qarjylandyrýymen aldaǵy ýaqytta jaryqqa shyqpaq.
