Qoǵam • 24 Qarasha, 2020

Eraly Toǵjanov COVID-19-ǵa qarsy vaksına shyǵaratyn zaýyttyń salyný barysymen tanysty

14 ret kórsetildi

Premer-Mınıstrdiń orynbasary Eraly Toǵjanov bastaǵan úkimettik delegasııa Qordaı aýdanyna bardy, dep habarlaıdy Egemen.kz Premer-Mınıstrdiń baspasóz qyzmetine silteme jasap.

Jumys sapary barysynda vıse-premer Gvardeıskıı aýylyndaǵy Bıologııalyq qaýipsizdik problemalary ǵylymı-zertteý ınstıtýty janyndaǵy otandyq ımmýndyq preparattar shyǵaratyn zaýyttyń qurylysy barysymen tanysty.

Zaýyt Memleket basshysy Qasym-Jomart Toqaevtyń tapsyrmasyna sáıkes salynýda. Qurylys-montajdaý jumystary bıyl aıaqtalady, qazirgi ýaqytta barlyq ınjenerlik kommýnıkasııalar júrgizilgen.

Jumysqa 145 adam jáne 30 birlik tehnıka jumylylǵan. Zaýyt óz jumysyn kelesi jyldyń birinshi toqsanynda bastaıdy. Munda álemdik standarttarǵa sáıkes ımmýnobıologııalyq preparattar, onyń ishinde koronavırýs ınfeksııasyna, tumaýǵa, týberkýlezge, brýsellezge, nodýlıarlyq dermatıtke basqa da ınfeksııalyq aýrýlarǵa qarsy vaksınalar shyǵarylatyn bolady. Jyl saıyn bıopreparattardyń 30-60 mln dozasyn óndirý josparlanyp otyr.

Premer-Mınıstrdiń orynbasary ınstıtýt qyzmetkerlerimen kezdesip, olardy áńgimege tartty. 

"Bıofarmasevtıkalyq zaýyttyń qurylysy jáne koronavırýsqa qarsy otandyq vaksına jasaý el Prezıdentiniń erekshe baqylaýynda. Biz búgin barlyq kókeıkesti máselelerdi osy jerde talqylap, sheshý úshin arnaıy kelip otyrmyz. Turǵyn úımen jáne materıaldyq-tehnıkalyq qamtamasyz etý, jalaqyny kóterý máseleleri qazirdiń ózinde sheshimin tabýda. Sonymen birge sizderge úlken jaýapkershilik júktelip otyr. Búkil el sizderge úmit artady", - dedi E. Toǵjanov.

Jambyl oblysynyń ákimi Berdibek Saparbaev iri zaýyttyń salynýy aımaq ekonomıkasynyń damýyna jańa serpin beretinin atap ótti. Budan soń Eraly Toǵjanov ınstıtýt  qyzmetkerlerine arnalǵan 60 páterlik úıdiń qurylys barysymen tanysty.

Nysannyń qurylysy tamyz aıynda bastalǵan, ol kelesi jyldyń basynda paıdalanýǵa beriledi. Taǵy eki turǵyn úıdiń qurylysy josparlanýda. Instıtýt jumysymen tanysqan soń Eraly Toǵjanov Qordaı aýdanynyń damýy, sondaı-aq ǵylymı-zertteý ınstıtýtynyń ózekti máselelerin sheshý jóninde keńes ótkizdi.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar