"2020 jyldyń 1 qarashasyna qaraı Biryńǵaı jınaqtaýshy zeınetaqy qory salymshylarynyń shotynda 12,6 trıllıon teńge zeınetaqy jınaǵy qalyptasty. Bir jyl ishinde onyń somasy eki trıllıon teńgeden asa nemese 20% ósti", delingen habarlamada.
Zeınetaqy jınaǵynyń negizgi somasy mindetti zeınetaqy jarnasy esebinen quraldy, onyń mólsheri – 12,3 trln teńge. Mindetti kásiptik zeınetaqy jarnasy boıynsha – 305,7 mlrd teńge, al erikti zeınetaqy jarnasy 2,16 mlrd teńgege jetti.
2020 jyldyń basynan bastap 1 qarashaǵa deıingi kezeń ishinde BJZQ salymshylarynyń shotyna 1,1 trln teńge taza ınvestısııalyq tabys esepteldi. О́tken jylmen salystyrǵanda eki ese artyq.
2020 jyldyń basynan beri salymshylardyń shotyna jalpy kólemi 867,05 mlrd teńge zeınetaqy jarnasy aýdarylǵan, ol 2019 jyldyń 10 aıyndaǵy kórsetkishten 67,1 mlrd teńgege nemese 8% asyp tústi. Tólem 155,3 mlrd teńgeni qurady.
