ShQO-da 1713 eńbek zańnamasyn buzýshylyq anyqtaldy

Qoǵam • 24 Qarasha, 2020

ShQO-da 1713 eńbek zańnamasyn buzýshylyq anyqtaldy

68 ret kórsetildi

Shyǵys Qazaqstan oblysynda 10 aıdyń qorytyndysy boıynsha 1713 eńbek zańnamasyn buzýshylyq anyqtaldy.

Bul týraly «ANTIKOR LIVE» jobasy aıasynda «Shyǵys – Adaldyq alańy» jobalyq keńsesiniń uıymdastyrýymen ótken tikeleı efırde ShQO Memlekettik eńbek ınspeksııasy basqarmasynyń basshysy - ShQO Bas memlekettik eńbek ınspektory Baqytbek Qızatov aıtyp berdi, dep habarlaıdy Egemen.kz.

Marzhan Tileubekova

ShQO memlekettik eńbek ınspeksııasy basqarmasy 2020 jyldyń 10 aıynda kelip túsken 1486 ótinishtiń 1252 – in qarady, onyń 76-sy quzyreti jáne aýmaǵy boıynsha basqa memlekettik organdarǵa joldandy, 96-sy qaralýda. Qaralǵan ótinishterdiń jalpy sanynan 841-ne jazbasha túsinikteme berildi (onyń ishinde 396-sy shaǵyn jáne mıkrokásipkerlik ótinishteri nemese 47%). 330 tekserý júrgizildi, onyń 15-i-profılaktıkalyq baqylaý jáne qadaǵalaý. 1713 eńbek zańnamasyn buzýshylyq anyqtaldy, onyń ishinde 984 eńbek qatynastary boıynsha, eńbek qaýipsizdigi jáne eńbekti qorǵaý boıynsha - 716 jáne halyqty jumyspen qamtý boıynsha - 13 buzýshylyq. 204 uıǵarym berildi, onyń ishinde eńbek qatynastary boıynsha - 195, eńbek qaýipsizdigi jáne eńbekti qorǵaý boıynsha - 9.

"Memlekettik eńbek ınspektorlary jol berilgen eńbek zańnamasyn buzǵany úshin 22,9 mln teńge somasyna 164 zańdy jáne laýazymdy tulǵany ákimshilik jaýapkershilikke tartty, onyń ishinde 15,7 mln teńge nemese 69% óndirildi. 2020 jyldyń 10 aıynda óndiriste 151 jazataıym oqıǵa boldy (2019 j. - 157), onda 164 adam zardap shekti, onyń ishinde ólimmen aıaqtalǵan - 21 jáne aýyr aıaqtalǵan - 72. 9 dana stanoktar, mashınalar men jabdyqtardyń jumysy toqtatyldy, 33 laýazymdy tulǵa Eńbek mindetterin oryndaýdan bosatyldy. 4 arnaıy tergeý materıaldary boıynsha sotqa deıingi tergeý júrgizilýde. 27 kásiporynda eńbek qaýipsizdigi jáne eńbekti qorǵaý jónindegi standarttar engizildi, 71 kásiporyn 346 óndiristik obektilerdi jáne eńbek jaǵdaılary zııandy jumys oryndaryn qamtı otyryp, eńbek jaǵdaılary boıynsha attestattaý ótkizdi", - dep atap ótti ShQO Bas memlekettik eńbek ınspektory Baqytbek Qızatov.

Sonymen qatar Baqytbek Qızatov eńbek salasyndaǵy máselelerdiń aldyn-alý boıynsha atqarylyp jatqan sharalarmen bólisti.

"Áleýmettik-eńbek janjaldarynyń aldyn alý jáne boldyrmaý maqsatynda basqarma kásiporyndarda jalaqy tóleýdiń ýaqtylyǵy men tolyqtyǵyna kún saıyn monıtorıng júrgizedi, óteý boıynsha problemalyq máseleler kásiporyndar basshylaryn shaqyra otyryp, daǵdarysqa qarsy shtabtar men áleýmettik áriptestik jónindegi úshjaqty komıssııalardyń otyrystarynda qaralady", dedi ol.

Jalaqy boıynsha bereshekti óteý máseleleri oblystyq daǵdarysqa qarsy shtabtyń 5 otyrysynda (16 naýryz, 24 maýsym, 22 shilde,1 jáne 5 qazan), Áleýmettik áriptestik jónindegi oblystyq úshjaqty komıssııanyń 2 otyrysynda (6 tamyz, 8 qazan), Shyǵys Qazaqstan oblysyndaǵy ahýaldy boljaý jáne baǵalaý jónindegi monıtorıng tobynyń 14 otyrysynda jáne jalaqy boıynsha bereshekti joıý jónindegi daǵdarysqa qarsy shtabtyń jumys tobynyń otyrysynda qaraldy.

Qabyldanǵan sharalardyń nátıjesinde 1 059,7 mln teńge somasynda jalaqy boıynsha bereshek óteldi, bul rette 185 kásiporynda 7091 jumyskerdiń quqyqtary qorǵaldy. О́ndiristik jaraqattaný deńgeıi ótken jyldyń sáıkes kezeńimen salystyrǵanda 5% - ǵa tómendedi.

Eńbek zańnamasynyń buzylýyna jol bermeý maqsatynda memlekettik ınspektorlardyń kúshimen 22 semınar, onyń ishinde QR Eńbek zańnamasy boıynsha bıznes-trener N.V. Gılevanyń (Ál-Farabı ýnıversıtetiniń Halyqaralyq quqyq kafedrasynyń dosenti, zań ǵylymdarynyń kandıdaty), sondaı-aq «Eńbek resýrstary ortalyǵy» AQ ókilderi men oblystyń jumys berýshileriniń qatysýymen 3 semınar ótkizildi.

Kásiporyndar ujymdarymen jáne halyqpen 430-dan astam kezdesý ótkizildi, oǵan 14555-ten astam adam qatysty. Jeke máseleler boıynsha 2482 adam qabyldandy.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz