Qoǵam • 24 Qarasha, 2020

Nur-Cultanda janýarlardy qorǵaý jónindegi keńes óz jumysyn bastady

6 ret kórsetildi

Nur-Cultanda janýarlardy qorǵaý jónindegi qoǵamdyq keńes óz jumysyn bastady. Qalalyq ákimdiktiń janynan qurylǵan keńeske janýarlardy qorǵaý uıymdarynyń ókilderi, qoǵam qaıratkerleri, ǵalymdar men veterınarlar kirdi, dep habarlaıdy Egemen.kz elorda ákiminiń baspasóz qyzmetine silteme jasap.

Keńes músheliriniń birinshi jınalysyna qala ákimi orynbasary Nurlan Soltambekov tóraǵalyq etip, onda mektep baǵdarlamasyna janýarlarǵa qamqorlyq tanytýdy nasıhattaıtyn «Meıirimdilik sabaqtaryn» uıymdastyrý, janýarlardy kastrasııalaý jáne zararsyzdandyrý, ıtter men mysyqtarǵa arnalǵan baspanany senimgerlik basqarýǵa berý jáne aqparattandyrý jumystaryn kúsheıtý máseleleri qaraldy.

Munda janýarlar quqyǵyn qorǵaýshylar, veterınarııa qyzmetkerleri, aýyl sharýashylyq ýnıversıtetteriniń oqytýshylary jáne tájirıbeli veterınarlar óz usynystaryn ortaǵa salyp, tańdalǵan taqyryp boıynsha sóz sóıledi.

«Janýarlardy qorǵaýǵa, olarǵa meıirimdilikpen qaraýǵa azamattar bala kúnnen úırenýi kerek. Biz ótken jyly mektepterdegi ashyq sabaqtarǵa qatysyp, janýarlar týraly paıdaly aqparat berip, ıttermen qalaı qarym-qatynas jasaý kerektigin kórsetkenbiz. Bul balalarǵa unady. Aldaǵy ýaqytta osyndaı sabaqtar ashyq sabaqtar negizinde emes, mektep baǵdarlamasyna ense eken deımiz», dedi «INUCOBO» janýarlardy qorǵaý qaýymdastyǵynyń prezıdenti Lılııa Sarsenova.

Munymen qosa otyrysta qańǵybas ıtter men mysyqtar sanynyń kóbeıýi de sóz boldy. Memlekettik mekeme qyzmetkerleriniń aıtýynsha, buǵan óz janýarlaryna jaýapsyzdyq tanytyp, olardy kóshede qaldyrǵan azamattar sebepshi. Bul máseleniń aldyn oraý úshin qalada 2017 jyldan beri zararsyzdandyrý sharalary júrgizýlýde.

«Elordada zararsyzdandyrý boıynsha 2018 jyly - 500 janýar, 2019 jyly – 1800 janýar, al, 2021 jyly 2500 ıt pen 1500 mysyqty zararsyzdandyrý josparlanyp otyr», - dep qosty Qalalyq orta sapasy jáne baqylaý basqarmasynyń basshy orynbasary Aıdyn Moldaǵalıev.

Otyrys nátıjesi boıynsha, aldaǵy ýaqytta halyq ishinde janýarlarǵa jaýapkershilik tanytýǵa qatysty aqparattandyrý jumystary kúsheıtilip, «úı janýarlarynyń ıdentıfıkasııasy» boıynsha derekter bazasyn odan ári júrgizý men onda anyqtalǵan kemshilikterdi joıý jumystary atqarylatyn bolady.

Aıta keteıik, keńes músheleri mundaı otyrysty aıyna bir ret uıymdastyrmaq.

Sońǵy jańalyqtar

Elimizde 100 jańa IT-kompanııa qurylady

Qazaqstan • Búgin, 12:02

Kobıdiń qazasy

Sport • Búgin, 10:47

Dańqty Ýeın Gretskı 60 jasqa toldy

Hokkeı • Búgin, 10:45

Qazaqstannyń 8 óńiri «qyzyl» aımaqta tur

Koronavırýs • Búgin, 10:21

SQO-da qyzy ákesin tonap ketken

Aımaqtar • Búgin, 09:45

Ázerbaıjanda jarylys boldy

Álem • Búgin, 09:36

Pnevmonııadan 3 adam qaıtys boldy

Koronavırýs • Búgin, 09:33

Bazalyq mólsherleme belgilendi

Qarjy • Búgin, 07:51

Ústel tennısi úmitti úkileıdi

Aımaqtar • Búgin, 07:38

Kúshikbaı batyrdyń kisesi

Rýhanııat • Búgin, 07:36

Bir táýlikte 219 naýqas tirkeldi

Aımaqtar • Búgin, 07:32

О́ńir taǵy da «qyzyl aımaqqa» endi

Aımaqtar • Búgin, 07:31

Shaǵannan nege shý shyqty?

Aımaqtar • Búgin, 07:24

Pangolın zaýaly

Álem • Búgin, 07:22

Dári-dármek qory jetkilikti

Aımaqtar • Búgin, 07:21

Uqsas jańalyqtar