Aımaqtar • 24 Qarasha, 2020

Karantınge qaramastan kókpar uıymdastyrǵandar jaýapqa tartyldy

47 ret kórsetildi

Túrkistan oblysynyń polıseıleri karantınge qaramastan “kókpar” ótkizgen turǵyndy jaýapqa tartty, dep habarlaıdy Egemen.kz Polisia.kz saıtyna silteme jasap.

Túrkistan oblysynda karantın talaptarynyń saqtalýy tıisti organdardyń qatań baqylaýynda. Onyń ishinde Túrkistan oblysy Polısııa departamentiniń qyzmetkerleri arnaıy qurylǵan mobıldik toptarmen júıeli túrde jumystar júrgizýde. Máselen, Otyrar aýdanynyń polıseıleri karantındik rejım men sanıtarlyq-epıdemıologııalyq normalardy buzyp, kókpar uıymdastyrǵan turǵyndy anyqtady.

Naqtyraq aıtsaq, Qarǵaly aýyldyq okrýgine qarasty Qanttoǵaı aýmaǵynda jergilikti turǵyn “Bata kókpar” jasaǵan. Mobıldik top birden shoǵyrlanǵan adamdar tobyn tarqatty. Tártip saqshylary is-sharaǵa qatysýshylarǵa karantın talaptaryna jol bermeý týraly túsindirý áńgimelerin ótkizdi.

Sondaı-aq shekteý sharalaryn buza otyryp, 60-tan astam adamdy jınaǵan “kókpar” uıymdastyrýshysyn jaýapqa tartty. Oǵan qatysty QR ÁQBtK-niń 425-baby (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha ákimshilik hattama toltyrdy.

Jınalǵan materıaldar tıisti zańdy sheshim qabyldaý úshin quzyretti organdarǵa jiberildi.

Esterińizge sala keteıik, Bas memlekettik sanıtarlyq dárigerdiń qaýlysyna sáıkes Túrkistan oblysynyń aýmaǵynda halyq arasynda koronavırýstyq ınfeksııanyń taralýynyń aldyn alýǵa jáne jolyn kesýge baǵyttalǵan karantındik rejım engizilgen.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar