Qoǵam • 24 Qarasha, 2020

Elordalyq 10 kolledjge "Qasıetti Qazaqstan" kitaptary tabystaldy

31 ret kórsetildi

«Nur Otan» partııasy Birlik fılıaly men Nur-Sultan qalasy boıynsha  «Rýhanı jańǵyrý» jobalyq keńsesiniń uıymdastyrýymen elordanyń 10 orta arnaýly oqý ornyna 100 danadan «Qasıetti  Qazaqstan» kitaptaryn tabystady, dep habarlaıdy Egemen.kz.

Is-sharaǵa «Nur Otan» partııasy Birlik fılıaly tóraǵasynyń birinshi orynbasary Shyńǵyshan Qojahmetov, Nur-Sultan qalasy boıynsha  «Rýhanı jańǵyrý» jobalyq keńsesiniń basshysy Aqerke Jumanbaeva, Ulttyq akademııalyq kitaphanasynyń basshysy Úmithan Muńalbaeva jáne elordadaǵy 10 orta arnaýly oqý ornynyń basshylary qatysty.

«Oqýǵa qushtar mektep – oqýǵa qushtar ult» jobasy mádenı biliktilikti arttyrý jáne oqyrman belsendiligin arttyrýǵa baǵyttylǵan.

«Álemdegi kitapty eń kóp oqıtyn elder – Qytaı, Fılıppın, Egıpet jáne Eýropa elderi arasynda Chehııa. Biz de osy qatarǵa qosylamyz dep úmittenemin. Árıne, eger osy baǵyt boıynsha júıeli jumys júrgizbesek, bul arnaǵa ilese almaı qalýymyz da múmkin. Búgingi sharanyń basty maqsaty da osy, ıaǵnı jasóspirimderdiń kitap oqýǵa degen qyzyǵýshylyǵyn arttyrý edi», – dedi Nur-Sultan qalasy boıynsha «Rýhanı jańǵyrý» jobalyq keńsesiniń basshysy Aqerke Jumanbaeva. 

«Nur Otan» partııasy Birlik fılıaly tóraǵasynyń birinshi orynbasary Shyńǵyshan Qojahmetovtyń aıtýynsha, aldaǵy ýaqytta «Rýhanı jańǵyrý» jobalyq keńsesimen birlesip, balabaqsha meńgerýshilerimen de osyndaı kezdesý ótkizý josparlanyp otyr.

Jıynda sóz alǵan kolledj basshylary bolashaqta kásiptik bilim beretin arnaýly orta oqý oryndaryndaǵy tehnıkalyq kitaptardy qazaq tiline aýdarý jaǵy qolǵa alynsa degen usynystaryn bildirdi.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar