Álem • 25 Qarasha, 2020

Máskeýlikter Dımashtyń kelýine oraı erekshe syı jasady

19 ret kórsetildi

«Berezka» horeografııalyq ansambli orkestri qazaqtyń áıgili «Álqıssa» kúıiniń kaverin jasap, orys halyq aspaptarynda oryndady. «Álqıssa» qazaq kompozıtory Nurǵısa Tilendıevtiń aty ańyzǵa aınalǵan kúıi. Onyń jańa ınterpretasııasyn jazý ıdeıasy orkestr ártisi Svetlana Zakýnovanyki. Bul oı Dımashtyń Máskeýge kelýine oraı týyndaǵan. Bul týraly dimashnews.com habarlady.

Bastapqyda kúı 2019 jyldyń 19 naýryzynda Dımashty áýejaıda qarsy alǵan kezde oryndý úshin daıyndaldy, -deıdi Svetlana. Odan keıin ánshi Kreml saraıynda D-Dynasty jeke konsertin berdi.

Alaıda, «Berezka» ártisteri áýejaıda tek «Máskeý mańyndaǵy keshter» men «Kalınkany» oryndady. О́ıtkeni jankúıerler kóp boldy. Sol úshin  Dımashty keshiktirgisi kelmedi. Sóıtip, «Álqıssa» keıinge shegerilip, taǵy da óńdelip jaryq kórdi.

«Álqıssany» Dımashtyń jáne basqa da mýzykanttardyń oryndaýynda birneshe ret tyńdaǵan soń Svetlanaǵa qazaq kompozısııasyna kaver jasaý ıdeıasy keldi. Oǵan kúıdiń erekshe ádemi dybystalýy qatty unady. Sondaı-aq, Svetlana bul kúı orys halyq aspaptary balalaıka men domrada da erekshe estiletinin aıtady.

Svetlananyń ıdeıasyn «Berezka» MAHA (memlekettik akademııalyq horeografııalyq ansambl) orkestrindegi áriptesteri birden qoldady.

Vladımır Golýbchıkov (balalaıka prımada oınaıdy, óńdeýshi dybys ınjeneri,);
Vıtalıı Kýznesov (balalaıka prıma, domra);
Mıhaıl Tenkov (bas-gıtara, kontrabas);
Dmıtrıı Sletkov (perkýssııa);
Svetlana Zakýnova (domra alt);
Klıp montajdaýshysy Darına Trıfonova.

«Biz toppen birge jınalyp, kompozısııany tyńdadyq, ony aspaptar arasynda partııalarǵa bóldik. Árıne, olar bul proseste ózderiniń oılaryn aıtyp, úles qosty. Qıyn jattyǵýlardan keıin biz qalaǵan nátıjege qol jetkizdik, sodan keıin ony jazýdy bastadyq», – dedi Svetlana.

«Berezka» MAHA orkestri 1959 jyldyń basynda keńestik baletmeıster jáne horeograf Nadejda Sergeevna Nadejdınanyń bastamasymen qurylǵan. Buǵan deıin horeografııalyq ansamblde tek 4 baıanshy bolǵan. Qazir orkestr aýqymy keńeıip, onda 13 mýzykant jáne 2 vokalıst bar.

Orkestrdiń bas dırıjeri-Reseıdiń Halyq ártisi Leonıd Konstantınovıch Smırnov. Al turaqty kórkemdik jetekshisi – KSRO Halyq ártisi Mıra Mıhaılovna Kolsova.

Svetlana Zakýnovanyń ózi 2007 jyldan bastap «Berezka» ansambliniń múshesi. Buǵan deıin ol M.E. Pıatnıskıı atyndaǵy Memlekettik akademııalyq orys halyq horynyń orkestrinde jumys istedi. Kásibı túrde kishi jáne alto domrada, sondaı-aq mandolınde oınaıdy.

Svetlana 2 jyldan beri Dımashtyń shyǵarmashylyǵymen tanys.  Qazaqstandyq ánshini qytaıdaǵy «I’ m Singer»baıqaýynda alǵash ret estigen. Dımashtyń Eýrazııalyq fan-klýbynyń  jáne Moscow Dear-larynyń múshesi.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar