Qoǵam • 25 Qarasha, 2020

О́ńirlik medısınaǵa kómek retinde 100 jyljymaly medısınalyq keshen jetkizildi

10 ret kórsetildi

Shalǵaı aýdandardyń turǵyndaryn bastapqy medısınalyq dıagnostıkamen qamtamasyz etý úshin óńirlerdegi medısınalyq uıymdarǵa 100 jyljymaly medısınalyq keshen jetkizile bastady. Keshenderdi oblystarǵa tabystaý sharalary qarasha aıynyń sońynda tolyqtaı aıaqtalady, dep habarlaıdy Egemen.kz IIDM baspasóz qyzmetine silteme jasap.

Medısınalyq keshender kóshpeli jaǵdaıda azamattardyń densaýlyǵyn tekserýdiń keń spektrine arnalǵan. Dıagnostıkalyq keshen 7 kabınetten turady: jalpy qabyldaý kabıneti, jalpy tájirıbelik dáriger aımaǵy, taldaýlardy qabyldaý aımaǵy, dárihana pýnkti, fýnksıonaldyq dıagnostıka kabıneti, akýsher-gınekolog kabıneti, sondaı-aq sáýlelik dıagnostıka kabıneti bar. Sonymen qatar, mobıldi medısınalyq ortalyqta arnaıy qorǵasynmen qaptalǵan bólme ornatylǵan, onda rentgen jáne flıýorografııany qaýipsiz jasaýǵa bolady. 

Kabınetter kompıýter, eden tarazysy, otoskop, oftalmoskop, bıohımııalyq analızator, gematologııalyq analızator, koagýlograf, leıkosıtter eseptegishi, EKG, ÝDZ, glıýkometr sııaqty zamanaýı sıfrlyq jabdyqtarmen jabdyqtalǵan.

Medısınalyq keshenniń taǵy bir ereksheligi – avtonomdyq júıe, avtobýsta 16 Kv (Kılovat) generator ornatylǵan, ol qalalyq elektr jelisinen de jumys isteı alady. Tolyq termooqshaýlaý jáne antıkovıd júıesi qaýipsiz jumys isteý úshin ońtaıly jaǵdaı jasaıdy. Al avtomattandyrylǵan pandýs-lıft múmkindigi shekteýli jandardy qabyldaý úshin yńǵaıly.

Jyljymaly medısınalyq keshender Densaýlyq saqtaý mınıstrliginiń tapsyrysy boıynsha otandyq kásiporyndarda jasaldy.

Aıta ketý kerek, Densaýlyq saqtaý mınıstrligi men Indýstrııa jáne ınfraqurylymdyq damý mınıstrliginiń Jol kartasy aıasynda "О́nerkásipti damytý qory" AQ lızıngtik qarjylandyrý tetigi esebinen elimizde osy jyly barlyǵy 1167 sanıtarlyq avtokólikti jańartý josparlanǵan.

Baǵdarlamany iske asyrý úshin otandyq óndirýshiler: "SaryarqaAvtoProm" JShS, "SemAZ" JShS jáne "Hyundai Trans Auto" JShS tartyldy, olar Jac Sunrey, GAZel NEXT jáne Hyundai h350 otandyq óndiris bazasynda avtomobılderdi jetkizýdi júzege asyrady.

Sonymen qatar "Samuryq-Qazyna "Ulttyq ál-aýqat qory" AQ jáne Kaspi bankiniń arnaıy tapsyrystary boıynsha aǵymdaǵy jyly Densaýlyq saqtaý mınıstrligine Qostanaı "SaryarqaAvtoProm" zaýytynan Chevrolet Damas bazasynda 200 birlik sanıtarııalyq mashına berildi.

Sońǵy jańalyqtar

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar