Qoǵam • 25 Qarasha, 2020

"Ortalyq Azııa - Koreıa Respýblıkasy" yntymaqtastyǵynyń kezekti forýmy ótti

5 ret kórsetildi

Syrtqy ister mınıstri Muhtar Tileýberdi bastaǵan qazaqstandyq delegasııa «Ortalyq Azııa - Koreıa Respýblıkasy» yntymaqtastyq forýmynyń 13-shi otyrysyna qatysty. Is-sharaǵa Koreıa Respýblıkasynyń Syrtqy ister mınıstri Kan Gıon Hva, Tájikstannyń - Sırodjıddın Mýhrıddın, Túrikmenstannyń - Rashıd Meredov, О́zbekstannyń - Abdýlazız Kamılov jáne Qyrǵyzstan Syrtqy ister mınıstriniń birinshi orynbasary Nurlan Nııazalıev qatysty, dep habarlaıdy Egemen.kz.

SIM basshylary densaýlyq saqtaý, qashyqtyqtan bilim berý, standarttaý jáne qorshaǵan orta salalaryndaǵy yntymaqtastyq máselelerin talqylady.

Densaýlyq saqtaý salasynda delegasııalar arasynda COVID-19 pandemııasymen kúrestegi tıimdi ózara is-qımylǵa, onyń óńir ekonomıkasy úshin teris saldaryn eńserýge jáne syrtqy ekonomıkalyq qyzmetti jandandyrýǵa qatysty pikir almasyldy.

Sondaı-aq, taraptar qashyqtyqtan bilim berý, oqytýshylar quramynyń biliktiligin arttyrý, kelýlerge monıtorıng júrgizý jáne bilim bólimderin júrgizý máselelerin qozǵady. Motıvasııanyń mazmuny men júıesine erekshe nazar aýdaryldy. Otyrysqa qatysýshylar sıfrlyq tehnologııalardy qoldana otyryp, bilim berý baǵdarlamalaryn iske asyrý tájirıbesimen almasýǵa kelisti.

Tehnıkalyq standarttaý salasynda delegasııa basshylary saýdadaǵy tehnıkalyq kedergilerdi joıý, ónimniń sapasy men básekege qabilettiligin arttyrý, sondaı-aq Ortalyq Azııa elderi men Koreıa Respýblıkasynyń ulttyq standarttaryn talqylady.

Forýmǵa qatysýshylar jasyl ekonomıkaǵa, qorshaǵan orta men tabıǵı resýrstarǵa júktemeni azaıtý jolynda tereń júıeli ózgerister jasaý qajettiligi týraly ortaq pikirge keldi.

Ortalyq Azııa ekonomıkasyn jańǵyrtý aspektisinde Koreıa Respýblıkasynyń ekonomıkalyq jáne tehnologııalyq áleýeti qyzyǵýshylyq týdyrady. Bizdiń elderimizdiń áleýmettik-ekonomıkalyq jaǵdaıyna zalaldy azaıtý maqsatynda forýmnyń kúsh-jigerin saýda-ekonomıkalyq ózara is-qımyldy qalpyna keltirýge baǵyttaý týraly sheshim qabyldandy. Qatysýshylar kópjaqty ózara is-qımyldyń strategııalyq mańyzdy baǵyttaryna nazar aýdarýǵa nıetti.

Sondaı-aq Forým aıasynda onlaın-formatta Ortalyq Azııa elderiniń Saýda-ónerkásip palatalary men Koreı saýda jónindegi halyqaralyq qaýymdastyǵynyń (KITA) qatysýymen Iskerlik keńestiń birinshi otyrysy ótýde.

Jalpy, Ortalyq Azııa memleketteri men Koreıa Respýblıkasy arasyndaǵy kópjosparly yntymaqtastyqty ózara qurmet pen paıda negizinde jandandyrý óńirdiń ortaq múddelerine jaýap beredi jáne ornyqty damýdyń mańyzdy faktory bolady.

Forým qorytyndysy boıynsha Ortalyq Azııa men Koreıa Respýblıkasy Syrtqy ister mınıstrleriniń Birlesken málimdemesi qabyldandy.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar