Aımaqtar • 25 Qarasha, 2020

Almatyǵa kelgen áýe jolaýshylarynyń 47-sinen koronavırýs anyqtaldy

39 ret kórsetildi

Almatydaǵy epıdemııalyq ahýal jáne COVID-ben kúresýge qatysty júrgizilip jatqan sońǵy jumystar týraly Egemen.kz habarlaıdy.

Almatyda 7011 tósek-oryn qýattylyǵymen (onyń ishinde 250-i jan saqtaý) 23 kovıdti stasıonar daıyndaldy. 2 jańa emhananyń qurylysy aıaqtaldy: 500 tósek-orynǵa arnalǵan ınfeksııalyq gospıtal, 300 tósek-orynǵa arnalǵan jańa modýldi stasıonar. Osylaısha, sońǵy úsh aıda ınfeksııalyq tósek-oryndar sany  eki ese kóbeıdi.

Alǵashqy medısına-sanıtarlyq kómek jumysy kúsheıtildi. AMSK uıymdarynda "taza" jáne "las" aımaqtar qurylyp, aǵyndar bólindi. Epıdemııaǵa qarsy rejimdi, aımaqtarǵa bólýdiń saqtalýy boıynsha baqylaý kúsheıtildi. 73 emhanada 298 mobıldi brıgada qyzmet etedi. Telemedısına ortalyǵy quryldy.

Farmpreparattar jáne medısınalyq ónimder boıynsha 10 mlrd.teńgege turaqtandyrý qory jumys isteıdi. Turaqtandyrý qorynyń sheńberinde 2021 jyldyń aqpanyna deıingi eseppen 68 ataýly dárilerdiń qajetti qory quryldy. 2021 jyldyń 31 qańtaryna deıin keminde 40 mln dári-dárimek pen medısınalyq ónimderdi jetkizý josparlanýda. Qajet bolǵan jaǵdaıda farmasevtıkalyq preparattardy naryqqa jetkizý úshin paıdalanylatyn 8 mln dáriniń tómendetilmeıtin eń az qory saqtalýda. Sonymen birge, qalada dárihanalarǵa kún saıyn dárilik preparattar men jeke qorǵanys quraldarynyń bar-joǵyna monıtorıng júrgiziledi.

Medısına qyzmetkerleriniń qaýipsizdigi men daıyndyǵyna erekshe nazar aýdarylǵan. Jeke qorǵanys quraldarynyń eki aılyq qory jasalǵan. Qalada medısınalyq betperdelerdi shyǵaratyn 6 iri otandyq óndirýshiler bar, óndirý qýattylyǵy kúnine – 882 myń.

Densaýlyq saqtaý uıymdaryn medısınalyq mamandarmen qamtamasyz etýge erekshe kóńil bólinýde. Epıdemııaǵa qarsy sharalarǵa jumyldyrylǵan medısına qyzmetkerlerinen bólek, 2450 mamannan quralǵan kadrlyq rezerv daıyndaldy. Sonymen birge, medısınalyq joǵary oqý oryndarynyń oqytýshylary, rezıdentteri, dáriger-ınternderinen rezerv quryldy.

43,1 mlrd teńge somasyna klınıkalardy medısınalyq jabdyqtarmen jańartý jáne tolyq jaraqtandyrý júrgizildi.

COVID-19 aldyn alý jelisi boıynsha laboratorııalardyń daıyndyǵy qamtamasyz etildi. Qalada 18 PTR zerthanasy bar, olardyń jalpy qýattylyǵy táýligine 14050 zertteýdi quraıdy. Sonymen birge, táýligine 1152 zertteý ótkizý qýattylyǵy bar 12 IFT zerthanasy qyzmet etedi.

Qalanyń halyqaralyq áýejaıynda sanıtarlyq-epıdemııalyq baqylaýdy kúsheıtý boıynsha sharalar qabyldandy. Shetelden kelýshiler úshin 6 karantındik stasıonar uıymdastyryldy.

Bıylǵy 6-23 qarasha aralyǵynda Almaty halyqaralyq áýejaıyna bortynda 52733 jolaýshysy bar 389 reıs ushyp kelgen. Onyń ishinde COVID-19-ǵa teris nátıjesi bar anyqtamalarymen 47627 jolaýshy, 5083 adam anyqtamasyz kelgen.

PTR taldaý tapsyrý úshin 5060 adam karantındik stasıonarǵa jatqyzyldy. 47 oń nátıje alyndy. Sondaı-aq, anyqtamanyń joqtyǵynan 23 sheteldik azamat deportasııalandy. Almaty áýejaıynda halyqaralyq reıstermen megapolıske koronavırýs ınfeksııasyna testileýden ótkeni týraly anyqtamasyz kelgen azamattardy anyqtaý boıynsha qatań baqylaý júrgiziledi.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar