«Astana» – «Qaısar» – 3:1
О́tken týrda kútpegen jerde «Shahterden» 3:1 esebimen jeńilip qalǵan elordanyń «Astana» klýby «kenshilerge» ketken esesin Qyzylordanyń «Qaısarynan» qaıtardy. Iаǵnı 20-týrda elimizdiń alty dúrkin chempıony dál sondaı eseppen byltyrǵy Qazaqstan kýbogynyń ıegerin jeńdi. Almatydaǵy «Jas Qyran» stadıonynda ótken matchtyń esebin 25-mınýtta horvatııalyq legıoner Marın Tomasov ashty. Alaıda arada bes mınýt ótkende qyzylordalyqtardan Maksım Fedın esepti teńestirip, «Astana» fýtbolshylaryn ýaıymǵa salyp qoıdy. Bul – Fedınniń «Qaısar» klýbyndaǵy alǵashqy goly. Ol bul golyn jýyrda ǵana aýrýhanadan emdelip shyqqan anasyna arnady. Esterińizde bolsa, osydan bir aı buryn Maksım Fedın Ulttar lıgasynyń kezekti týry aıasynda syrt alańda Belarýs quramasymen ótetin oıynǵa otbasylyq jaǵdaıǵa baılanysty qatysa almaı qalǵan edi.
Kezdesýdiń ekinshi taımynda «Astana» fýtbolshylary baryn saldy. О́ıtkeni bul týrda da úsh upaı oljalaı almasa, qolda turǵan qola júldesinen de aıyrylyp qalýy múmkin edi. Degenmen jyl basynda «Astana» quramyn tolyqtyrǵan shabýylshy Pıeros Sotırıý 61-mınýtta baspen gol soǵyp, komandasyn alǵa shyǵarsa, 73-mınýtta 11 metrlik aıyp dobyn sátti oryndap, komandasyna mańyzdy ush upaıyn syılady. Bul kezdesýden keıin «Astana» 30 upaımen úshinshi orynyn saqtap qaldy. Al «Qaısar» 24 upaımen 6-orynda qaldy.
«Qyzyljar» – «Ordabasy» – 0:0
19-týrda sensasııa jasap, «Qaırattan» 3:2 esebimen basym túsken «Qyzyljar» bul joly «Ordabasy» klýbymen teń oınady. Jalpy, eki komanda arasyndaǵy bul kezdesý týrdyń emes, jalpy maýsymnyń eń qyzyqsyz matchy boldy desek artyq aıtqandyq emes shyǵar. О́ıtkeni eki komanda da bir-biriniń qaqpasyna múlde dál soqqy jasamaǵan. Eki matchta bir upaıǵa ıe bolǵan shymkenttik klýb týrnır kestesinde «Astanadan» eki upaıǵa artta qalyp keledi. Chempıonatta «Ordabasynyń» bir oıyny, elordalyqtardyń eki kezdesýi qalǵanyn eskersek, «Ordabasy» qola júldeden úmitti úzdi deı berýge bolady. Al petropavldyq komanda 20 upaımen 9-orynǵa turaqtady.
«Taraz» – «Kaspıı» – 0:1
Qatarynan eki týrda jeńiske jetken aqtaýlyqtar kelesi jyly da el chempıonatyna qatysýǵa múmkindik aldy. Bıyl ǵana joǵary lıgaǵa shyqqan «Kaspıı» úshin bul tamasha jetistik. Almatydaǵy Tımýr Segizbaev atyndaǵy stadıonda ótken oıynnyń jalǵyz ári jeńis golyn 45-mınýtta Arman Núsip soqty. Týrnır kestesinde sońǵy orynda turǵan «Oqjetpesten» alty upaıǵa ozyp, 10-orynǵa taban tiredi. Al «Taraz»
20 upaımen 8-orynda qala berdi.
«Oqjetpes» – «Tobyl» – 0:2
Kókshetaýdyń «Oqjetpes» klýbyn esh qıyndyqsyz jeńgen «Tobyl» kúmis júldege bir taban jaqyndaı tústi. Eger qostanaılyqtar kelesi týrda «Taraz» klýbynan basym túsetin bolsa, merziminen buryn el chempıonatynyń kúmis júldegeri atanady. «Oqjetpespen» ótken kezdesýdiń esebin 38-mınýtta Jeremı Manzorro ashty. Al ekinshi taımnyń 60-mınýtynda Kókshetaý fýtbol mektebiniń túlegi Sultan Ábilǵazy «Tobyldyń» ekinshi golyn soǵyp, matchtyń núktesin qoıdy. Qazaqstan jastar quramasynyń oıynshysy osymen ekinshi match qatarynan mergendigimen kózge túsip otyr.
Qatarynan tórtinshi oıynda jeńilgen kókshetaýlyqtar qajetti upaıyn jınaı almaǵandyqtan kelesi jyly Birinshi lıgada óner kórsetetin boldy. 19 oıynda 11 upaı jınaǵan «Oqjetpesi» kesteniń 11-orynynda tur.
«Shahter» – «Jetisý» – 1:2
19-týrda «Astana» komandasynan úsh upaı tartyp alǵan soń «kenshiler» komandasy qola júlde úshin ótetin báıgege qosylǵan-dy. Alaıda «Shahter» ótken týrda «Jetisýdan» jeńilip, chempıonatty úshinshi orynmen aıaqtaıtyn tamasha múmkindiginen aıyrylyp qaldy. Kezdesýdiń esebin 23-mınýtta «Jetisý» shabýylshysy Martın Toshev ashsa, ekinshi taımnyń 74-mınýtynda Pedro Eýjenıo esepti eseledi. Biraq araǵa tórt mınýt salyp Aıdos Táttibaev esep aıyrmasyn qysqartqanymen, komandasyn jeńilisten qutqaryp qala almady. «Jetisý» osy jeńisiniń arqasynda 25 upaımen 6-orynǵa kóterildi. Al Gorovenko shákirtteri 26 upaımen 5-orynda qala bermek.
20-týrdan keıin Kókshetaýdyń «Oqjetpesi» Birinshi lıgada óner kórsetetini belgili bolsa, bıylǵy Birinshi lıgada top jarǵan «Aqtóbe» men «Atyraý» komandalary kelesi jyly Joǵary lıgada oınaýǵa múmkindik aldy. El chempıonatynyń kelesi týr oıyndary 27 qarashada ótedi.
