Qoǵam • 26 Qarasha, 2020

Senator tarıhı Qapal aýylyn saqtaý máselesin kóterdi

87 ret kórsetildi

Senator Baqytjat Jumaǵulov Úkimet basshysynyń atyna depýtattyq saýal joldady. Onda jer jánnaty Jetisý jerinde, Uly Jibek jolynyń boıynda ornalasqan, tarıhy tereńnen tamyr tartatyn Qapal aýylynyń búgingi jaı-kúıine qatysty másele kóterilgen, dep habarlaıdy Egemen.kz.

Baqytjan Jumaǵulov Qapaldyń irgesi bekinis retinde 1847 jyly qalanǵanymen, shejiresi sonaý Túrki dáýirine, Qımaq memleketine baryp tireletinin aıtty. Bul jerde ultymyzdyń uly tulǵasy Shoqan Ýálıhanovtyń, ǵalym Petr Semenov-Tıanshanskııdiń izi qalǵan. Aǵylshyn saıahatshysy Tomas Atkınsonnyń ózi Qapaldyń tarıhy men tabıǵatyna tańdaı qaǵypty. Jaýgershilik zamanda qazaqtyń talaı batyry osy ólkede attandap, atoı salǵan. Qazaq aıtys óneriniń ańyzyna aınalǵan ataqty Birjan-Sara aıtysy da dál osy Qapalda bolǵan eken.

Senator atalǵan derekterdi tizbekteı kele, Qazaqstannyń qasıetti jerleriniń kartasy daıyndalyp jatqan qazirgi kezde osyndaı san ǵasyrlyq tarıhy bar oryndar eskerýsiz qalmasa eken degen usynysyn aıtty.

«Elbasymyzdyń «Uly dalanyń jeti qyry» atty maqalasynan keıin respýblıka boıynsha qasıetti oryndar iriktelip jatyr. Bul tarıhymyzdy tanýǵa, týǵan ólkemizdiń ǵajaıyp jerlerin aıqyndaýǵa múmkindik beredi», – dedi Baqytjan Jumaǵulov.

Sonymen qatar senator bekinis retinde salyna bastaǵan kezeńde, ıaǵnı osydan eki ǵasyr buryn turǵyzylǵan nysandardy saqtap qalý máselesine de nazar aýdardy.

«Osydan eki júz jyl buryn Tıan-Shıanniń shyrshasynan qanshama úıler salyndy. Olar kúni keshege deıin sáýlet óneriniń úlgisindeı bolyp saqtalyp kelip edi. Biraq búginde XIX ǵasyrdyń eskertkishi bolyp sanalatyn qos qabatty úılerdiń bet jaǵy ǵana saqtalypty. Eski eki meshit úıi qaraýsyz qalyp, qulaǵan. Aýyldyń rýhanı ortalyǵy bolǵan aqyn Sara men Fatıma Ǵabıtova mýzeıleriniń izi de joq. Ondaǵy qundy eksponattar qaıda?», – degen Baqytjan Jumaǵulov bul jergilikti halyqtyń janaıqaıy ekenin aıtty.

Osyǵan oraı senator Premer-Mınıstrden sáýletshiler, tarıhshylar, ádebıetshiler, etnograftardan turatyn arnaıy komıssııa qurýdy, Qapal aýylynyń mádenı-tarıhı eskertkishterin qorǵaý úshin tıisti sharalar qabyldaýdy jáne olardy Úkimet qorǵaýyndaǵy sanattar qataryna qosýdy surady.

Sońǵy jańalyqtar

2020 jyly 936 myńnan astam adam AÁK aldy

Qazaqstan • Búgin, 12:47

Dollar qymbattady

Ekonomıka • Búgin, 11:35

Qazaqstanda elektr energııasy qymbattady

Qazaqstan • Búgin, 10:21

Qyrǵyzstanda eks-premer ustaldy

Álem • Búgin, 09:53

Pnevmonııadan 1 adam qaıtys boldy

Koronavırýs • Búgin, 09:22

Sartaı batyrdyń ashamaıy

Rýhanııat • Búgin, 08:07

«Bestikke» engen óńirdegi betburys

Aımaqtar • Búgin, 07:58

Qoǵammen baılanys qoldaý tapty

Qoǵam • Búgin, 07:56

Ekpe saldyrý – óz erkińizde

Medısına • Búgin, 07:54

Tarıh ǵylymynyń kóshbasshysy

Oqıǵa • Búgin, 07:54

Munaıly óńirge – myń doza

Medısına • Búgin, 07:52

Qyzylsha men qamys – óńdegenge tabys

Ekonomıka • Búgin, 07:41

Máskeý festıvaline barǵanda...

Tanym • Búgin, 07:40

DSU: О́tpeli kezeń aıaqtaldy

Ekonomıka • Búgin, 07:37

Áke jolyn jalǵar ul

Aımaqtar • Búgin, 07:35

Uqsas jańalyqtar