Qoǵam • 26 Qarasha, 2020

Senator: Kitaptar men qoljazbalardy sıfrlandyrý isi syn kótermeıdi

13 ret kórsetildi

Qazirgi tańda elimizde kitaphanalardaǵy kitaptardy jáne arhıvterdegi qujattar men jazbalardy saqtaý, sıfrlandyrý isinde aıtarlyqtaı olqylyqtar bar. Senator Nurtóre Júsip Premer-Mınıstrdiń orynbasary Eraly Toǵjanovtyń atyna joldaǵan depýtattyq saýalynda osy máseleni kóterdi, dep habarlaıdy Egemen.kz.

Senatordyń aıtýynsha, búginde otandyq kitaphanalar men muraǵattarda qujattar men jazbalardy saqtaý isine jetkilikti kóńil bólinbeıdi. Tipti elordadaǵy Ulttyq arhıvke qarasty Qoljazbalar men sırek kitaptar ulttyq ortalyǵynda qoljazbalar men sırek kitaptar saqtaıtyn jer óte tar.

«Qor kóbeıgen saıyn, ǵımaratqa syımaı barady. Ortalyqtyń ǵımaraty eýropalyq talaptarǵa múldem saı emes. Onyń ústine, kórermenderge arnap daıyndaǵan kórmesi de kishkentaı. Sondyqtan kitap qory kóbeıgen saıyn ortalyqta ǵylymı saraptamalyq topty ulǵaıtý kerek», – dedi Nurtóre Júsip.

Saýal barysynda senator elimizde restavrasııa salasyn jetildirý, osy baǵytta maman daıarlaý, aımaqtardaǵy arhıvterdiń jaǵdaıyn jaqsartý máselelerine de nazar aýdardy.

Sonymen qatar ol kitaptar men qujattardy sıfrlandyrý isi kóńil kónshitpeıtinin aıtty.

«Kópshiliginiń sapasy nashar jáne oqylýy qıyn. Júktep alýǵa da kelmeıdi. Eger kitaptardyń oqylymyn tegin etip, júkteýin aqyly eter bolsa, bul olardyń materıaldyq jaǵdaıyn jaqsartýǵa múmkindik berer edi. Arhıvterde mundaı múmkindikter áli qarastyrylmaǵan. Oblystardaǵy keı arhıvterdiń saıty da joq. Shet elderdegideı arhıv qujattarymen onlaın tanysý múmkin emes», – degen depýtat sonyń saldarynan pandemııa kezinde elimizdegi ǵylymı jumystar aıtarlyqtaı zardap shekkenin jetkizdi.

Senator bul máselelerdi Mádenıet jáne sport mınıstrligi men Bilim jáne ǵylym mınıstrligi birlese qolǵa alyp, jetildirý kerektigin tilge tıek etti. Sondaı-aq, elimizde qoljazbalar, sırek kitaptar, basqa da qundy qujattardy sıfrlandyryp, olardyń qoljetimdiligin qamtamasyz etý jáne halyqtyń qajetine jaratý qajet ekenin atap ótti.

Sońǵy jańalyqtar

Qostanaıda qurylys alańy otqa orandy

Aımaqtar • Búgin, 18:55

Dollardyń erteńgi baǵamy belgili boldy

Ekonomıka • Búgin, 18:00

Qaraǵandy oblysynda zeınetkerler tonaldy

Aımaqtar • Búgin, 16:37

О́z týystaryn tonaýshylar kóbeıgen

Aımaqtar • Búgin, 16:07

Elordada qylmys sany 20%-ǵa azaıǵan

Aımaqtar • Búgin, 15:24

BQO: Balany qar úıindisi basyp qaldy

Aımaqtar • Búgin, 15:12

Indet juqtyrǵandar sany kóbeıdi

Koronavırýs • Búgin, 13:58

Aldaǵy kúnderi qar jaýyp, kún jylynady

Qazaqstan • Búgin, 12:47

Almaty kitaphanalary jańa tynys aldy

Aımaqtar • Búgin, 12:00

Uqsas jańalyqtar