Jol-kólik oqıǵasy temirjol ótkelinde bolǵan. «Podstepnoe-Fedorovka-RF shekarasy» avtojolynyń 12 shaqyrymynda munaı ónimderin tasıtyn «KamAZ» júrgizýshisi rýldi basqara almaı, jol jıegine túsip ketken. Kóliktiń sısternasynda 21 tonna AI-92 markaly benzın bolǵan eken. Aıta keteıik, Keshe Batys Qazaqstan oblysynda qar jaýyp, qatty jel sońy boranǵa ulasqan bolatyn.
«Tótenshe jaǵdaılar departamentine qońyraý túsken boıda órt sóndirý tehnıkasy men jeke quramdaǵy 5 adam oqıǵa ornyna attandy. Birden zııandy qospanyń tabıǵatqa zardaby bolmaýyn tekserdik. 30 mınýt ishinde sısterna lıýginiń tesiginen mınýtyna 10-15 tamshy shyqqan eken. Benzın aǵýy der kezinde toqtatyldy» dep habarlasy Batys Qazaqstan oblystyq Tótenshe jaǵdaılar departamentiniń baspasóz qyzmeti.
Bul oqıǵadan eshkim jaraqat alyp, zardap shekpegen. Aýdarylǵan kóliktiń sısternasyndaǵy benzındi quıyp alý úshin oqıǵa ornyna munaı bazasynan arnaıy kólikter de jetti. Ekologııa departamentiniń mamandary topyraq synamasyn alyp, zardap kólemin anyqtaýda.
