Aqmola oblysy Jarqaıyń aýdanyndaǵy balalar baqshasynyń meńgerýshisi bolǵan Olga Lı osydan 5 jyl buryn 1 mln.nan astam teńgeni jymqyryp, qashyp ketken bolatyn. Bul týraly Munara.kz habarlady.
Ol quziretti organǵa jalǵan málimetter usynyp, tizimde joq qyzmetkerler úshin jalaqy alyp otyrǵan. Quqyq qorǵaý qyzmetkerleriniń tekserýi barysynda onyń 1 mln.nan asa teńgeni jymqyrǵany anyqtaldy. Osyǵan baılanysty qarjy polısııasynyń qyzmetkerleri O. Lıdiń ústinen «senip tapsyrylǵan múlikti ıemdený jáne shyǵyndaý», «qyzmetin asyra paıdalaný» babymen qylmystyq is qozǵaǵan bolatyn. Artynan onyń qashyp ketkeni málim bolyp, oǵan halyqaralyq izdeý jarııalandy.
Jaqynda atyshýly qylmysker polısııanyń qolyna túsipti. Qazir ol Almaty qalalyq ishki ister departamentiniń ýaqytsha oqshalaý ızolıatorynda otyr.
Baqytbek Keneshuly.
Derekkóz: Munara.kz
