"Qorshaǵan ortanyń jaı-kúıin jaqsartý maqsatynda Elbasy men Qazaqstan Prezıdentiniń tapsyrmasymen EYDU-ǵa múshe elderdiń tásilderi negizinde Ekologııalyq kodekstiń jańa jobasyn ázirledik. Joba belsendi talqylaý kezeńinen ótti. Oǵan 2 myńǵa jýyq túzetý kelip tústi, 40-50%-ǵa ózgertildi jáne onda 7 negizgi baǵyt kózdelgen", dedi mınıstr.
Eń aldymen, atmosferalyq aýanyń, sýdyń, topyraqtyń lastanýy máselesin sheshý úshin ónerkásipterge eń ozyq qoljetimdi tehnologııalardy (OQT) engizý kózdelgen.
"Eýropada ozyq qoljetimdi tehnologııalar arqasynda shyǵyndylar 94%-ǵa tómendedi. Bul jumys 15 jylǵa sozylǵan. OQT engizgen kásiporyndar emıssııa tóleminen bosatylady. Eger kásiporyndar OQT paıdalanbasa, emıssııa úshin tólem stavkalary anaǵurlym artady. Iаǵnı memleket shyǵyndardy tabıǵat paıdalanýshylarmen bólisedi", deıdi M.Myrzaǵalıev.
Qaldyqtardyń jınalýyn azaıtý úshin WASTE TO ENERGY tehnologııasymen qaldyqtardy energetıkalyq kádege jaratý engiziledi. Qoqys órtelip, elektr qýaty óndiriledi jáne ol jalpy elektr jelisine satylady.
"Jaqynda ǵana Memleket basshysy tıisti zań jobasyna qol qoıdy. Qazirgi ýaqytta biz 6 qanatqaqty qalany anyqtadyq. Olar Aqtóbe, Almaty, Atyraý, Nur-Cultan, Taraz jáne Shymkent qalalary. Ákimdiktermen jer ýchaskeleriniń, ınfraqurylymnyń bolýy jáne kepildendirilgen qaldyq júktemesi máseleleri pysyqtalyp jatyr. Qanatqaqty jobalar tabysty iske asqan jaǵdaıda bul tájirıbe basqa qalalarǵa da taratylady. Osy tehnologııanyń arqasynda 2025 jylǵa qaraı qaıta óńdeý deńgeıin 30%-ǵa, ıaǵnı orta eýropalyq deńgeıge jetýdi boljap otyrmyz", dep túsindirdi mınıstr.
